سهرۆك كۆمارێ تركیێ ئیرۆ ل دهربارا ئالۆزیێن ل رۆژهلاتا دهریا ناڤین كو ب سهدهما وێ یهكێتییا ئهورۆپایێ نیقاشا جهزایان ل سهر ڤێ دهولهتێ دكهت، گۆت: «ئهم رێنادهن هوون مه ل بهراڤێن ئانتالیایێ زیندان بكن، تركیه دانپێدانێ ب وان سینۆرێن دهریایی ناكهت كو یهكێتییا ئهورۆپایێ دهست نیشان كرنه».
سهرۆك كۆمارێ تركیی رهجهپ تایب ئاردۆگان، ئیرۆ رۆژا دووشهمبی 7/12/2020ێ د بهرسڤا ههولێن یهكێتییا ئهورۆپایێ دا گۆت: «پێویسته یهكێتییا ئهورۆپایێ ل گۆری حهز و خوهستهكێن قوبرس و یهونانستانێ ل دژی تركیهیێ تهڤ نهگهریت، ژ بهر كو تركیه دخوازیت پرسگرێكێ ب ئاوایهكی ههماههنگ چارهسهر بكهت».
ئاردۆگان ل درهبارا ههولێن لێگهرینا ل پهترۆل و غازێ ل بهراڤێن قوبرس و یهونانستانێ، بهرسڤا یهكێتییا ئهورۆپایێ دا و گۆت كو «ژ خوه تركیه رێ نادهت ل پشت ڤێ خهتێ بهێته زیندان كرن، تركیه دانپێدانێ ب وان سنۆرێن دهریایی ناكهت كو ئهورۆپایێ د ڤێ مهسهلێ دا دهست نیشان كرنه».
تێ زانین ههولێن دهولهتا تركیێ، یێن لێگهرینێ ل پهترۆل و غازێ ل رۆژهلاتا دهریا ناڤین كریزهكا ناڤدهولهتی چێكرییه، ههر یێك ژ قوبرس و یهونانستان خوه ب زرارمهند دبینن، تركیه دبێژیت، ژ بهر كو مهسنۆرهكێ پر درێژ ل گهل دهریا ناڤین ههیه، لهوما خواستهكا مه یا كۆنترۆل كرنا وان بهراڤان، مافهكێ رهوا یێ دهولهتێ یه.
