پاپایێ ڤاتیكانێ بریار دایه د سالا بهێت دا، سه‌ره‌دانا هه‌رێما باشوورێ كوردستانێ بكه‌ت، هه‌روه‌ها به‌غدایێ و باژارێ مووسلێ، كۆچبه‌ر بوونا كریستیانان سه‌ده‌ما ڤێ سه‌ره‌دانێ یه.
ل گۆر داخویانیا ڤاتیکانێ، سه‌ره‌دانا پاپا فرانسیس دێ ل رۆژا ٥ێ ئادارا سالا 2021ێ دەست پێ كه‌ت و ھەتا رۆژا 8ێ ئادارێ دێ به‌رده‌وام بیت.
ھاتنا پاپایێ ڤاتیکانێ ژ بۆ باشوورێ كوردستانێ و ئیراقێ پشتی وێ یەکێ تێ كو د ڤان سالێن داویێ دا ھەژمارا کریستیانان ل ئیراقێ کێم بوویە و بەشەکێ مەزن ژ وان ژ ناڤەند و باکورێ بەغدایێ ژ بۆ ھەرێما باشوورێ کوردستانێ کۆچبەر بوونە.
ھەر د ڤێ ده‌ربارێ دا رۆژا 19 سباتا سالا 2020ێ سەرۆکوەزیرێ ھەرێما باشوورێ کوردستانێ، مەسروور بارزانی ل ڤاتیکانێ ب ل گه‌ل پاپا فرانسیس جڤیابوو و پاپا داخواز كر كو سەره‌دانا ھەرێما باشوور بکەت.
د وێ ھەڤدیتنێ دا بەحسا رەوشا کریستیانێن ھەرێما باشوورێ کوردستانێ ھات کرن کو جھ و پێگەھا وان د ھەموو واران دا پاراستی نە، دیار کر ژی، ھەرێما کوردستانێ نە تەنێ ژ کریستیانێن کوردستانێ را، بەلکو ژ ھەموو کریستیانێن سەرانسەری ئیراقێ را بوویە ھەرێمەکا ئارام و ب ھەڤ رە ب خوەشی دژین و نموونەیەکا جوانا پێکڤەژیانێ یە.
