وەزیرێ دەرڤە یێ یوونانستانێ نیکۆس دەندیاس، جارەکا دی ژ یەکیتیا ئەورۆپایێ داخواز کر ل سەر ئالۆزیا رۆژھلاتێ دەریایا سپی، ترکیا بهێتە سسزادان.
ل گۆری رۆژنامەیا Cathimrini یا یوونانستانێ نیکۆس دەندیاس ئیرۆ جارەکا دی داخوازا سەپاندنا دۆرپێچان ل سەر ترکیێ کر.
دەندیاس د جڤینا ئۆنلاین یا وەزیرێن دەرڤەیێن یەکیتییا ئەورۆپایێ دا دیار کر کو رێڤەبەریا ئەنقەرێ ھشیاریێن پەرلەمانێ ئەورۆپایێ یێن مەھا جۆتمەھێ ل سەر ئالۆزکرنا رەوشا رۆژھەلاتێ دەریایا سپی پاشگوھ دهاڤێژیت.
دەندیاس گۆت: “ھەلوەستا ترکیێ یا ل دژی یەکیتیا ئەورۆپایێ ب گشتی ئیستیفزازی یە.”
بریارە د لووتکەیا سەرۆکێن یەکیتییا ئەورۆپایێ یا رۆژا پێنجشەمبێ دا مژارا دۆرپێچێن سەر ترکیێ بهێنە رۆژەڤێ، لێ ل گۆری نرخاندنان دبیت یەکیتیا ئەورۆپا ژ بۆ جەزاکرنا ترکیێ ل بەندا رێڤەبەریا نوویا ئەمریکایێ ب سەرۆکتیا جۆ بایدن ژی بمینیت.
