مایک پۆمپیۆ: رووسیا ل پشت ئێریشێن سەر حکوومەتا ئەمەریکایێ یە

وەزیرێ کارێن دەرڤە یێن ئەمریکایێ مایک پۆمپیۆ راگەهاند، مۆسکۆ ل پشت ئێریشا ئەلیکترۆنی یا ل سەر سازیێن حکوومی یێن ئەمەریکایێ یە.

ل گۆر نووچەیەکێ کو د بی بی سی نیۆز دا هاتیە بەلاڤکرن، ئێڤارا ئیرۆ مایک پۆمپیۆ وەزیرێ دەرڤە یێ ئەمریکایێ راگەهاندیە، مۆسکۆ ل پشت ئێریشا ئەلیکترۆنی یا سەر سازیێن حکوومی یێن ئەمریکایێ یە.

پۆمپیۆ ئێریشا ئەلیکترۆنی یا ل سەر وەزارەتا گەنجینەیا ئەمەریکایێ و هندەک سازی و وەزارەتێن دی ب خەرابترین ئێریشێن ئەلیکترۆنی دانە زانین و د ڤێ دەربارێ دا راگەهاند، ئەم دشێین ب زەلالی بێژین ئەڤە رووسیایە کو ڤان چالاکیان ل دژی مە ئەنجام ددەت.

وەزیرێ کارێن دەرڤە یێن ئەمریکایێ رۆنکرنێن زێدەتر سەبارەت ڤێ ئێریشێ نەدان، لێ بەلێ رووسیایێ رەد کر هیچ رۆلەکا وێ د وان ئێریشان دا هەبیت.