هه‌یا رۆژێن ده‌رباسبوویی، یه‌كه‌مین جهێ كو ڤیرۆسا كۆرۆنایێ نه‌گهشتبوو وێ ده‌رێ، جه‌مسه‌را باشوور یا دنیایێ بوو، لێ به‌لێ ڤێ نه‌خوه‌شیێ رێیه‌ك ژ بۆ خوه چێكر و ده‌رباسی وێ ده‌رێ بوو.
ڤیرۆسا كۆرۆنا یا نوو یا ب كۆد ناڤێ كۆڤید-19، ل داوییا سالا رابووری 2019ێ ده‌ركه‌ت و ژ هه‌رێما ووهان یا چینێ ده‌رباسی هه‌موو كێشوه‌رێن دنیایێ بوو، ته‌نێ ناڤچه‌یا ئانتاركتیكا كو ب هه‌زارا كیلۆمه‌ترۆیان ژ كێشوه‌رێن دن یێن دنیایێ دوور و هه‌ژماره‌كه هه‌ر كێم یا مرۆڤان لێ ژیان دكه‌ن، مابوو.
ل گۆر پێگه‌ها ده‌یلی مه‌یل یا به‌ریتانی، ڤیرۆسا كۆرۆنایێ كاری رێیه‌كێ ژ بۆ خوه چێبكه‌ت و ده‌رباسی ڤی جهێ دوور ده‌ست ببیت، وه‌ختا كو ل بنگه‌ها ب ناڤێ ئۆهیگێنز یێ لێكۆلینان یێ چیلیێ ل ناڤچه‌یا ئانتاركتیكایێ به‌لاڤبوویی.
ڤیرۆسا كۆڤیدێ ب رێیا هنده‌ك پێداویستییان د ناڤا گه‌میه‌كێ دا ل داوییا مه‌ها رابووری گه‌هشتبوو ڤێ بنگه‌ها لێكۆلینان، وه‌ختا كو ئه‌ڤ گه‌می ڤه‌گه‌ری به‌نده‌را تالكاهوانو یا باشوورێ چیلیێ، ته‌ستێن كۆرۆنایێ ژبۆ تیما وێ هاتن ئه‌نجام دایین و پۆزه‌تیڤ ده‌ركه‌تن.
ده‌یلی مه‌یل ئه‌شكه‌ره كر كو پشتره هه‌ر زوو ته‌ست ژ بۆ ئه‌ندامێن بنگه‌ها ئۆهیگێنز هاتن ئه‌نجام دایین و ئه‌شكه‌ره بوو كو 36 كه‌س ل وێ بنگه‌هێ ب كۆرۆنایێ كه‌تنه.
