كۆمێن چه‌كدارێن گرێدای تركیێ جاره‌كا دی ئێریش برن سه‌ر باژارۆكێ عه‌ین عیسایێ، د ئه‌نجامێ ده شه‌ر ده‌ركه‌ت، هێزێن سووریایا ده‌مۆكراتیك 7 چه‌كدار كوشتن و 3 بریندار كرن.
ناڤه‌ندا راگه‌هاندن و چاپه‌مه‌نیێ یا هێزێن سووریایا دمۆكراتیك هه‌سه‌دێ، ئیرۆ رۆژا سێشه‌مبی 22/12/2020ێ داخویانی ل ده‌ربارێ داوی ئالۆزیێن باژارۆكێ عه‌ین عیسایێ دا و راگه‌هاند كو د داوی ئێریشا كۆما چه‌ته‌یان دا كو ل سه‌ر گوندێ مشێرفیێ پێكهاتبوو، شه‌ره‌كێ گران ده‌ركه‌ت.
ده‌ست نیشان كر، د شەر دا 7 چەتە ھاتنە کوشتن و 3 چەتە ژی بریندار بوونە.
هه‌سه‌دێ هه‌روه‌ها ئه‌شكه‌ره كر، ئارته‌شا ترکیێ و چەتەیێن وێ د دەمێن داوین دا خەتا عەین عیسایێ تۆپباران دكه‌ن و ئێرشێن بەژاھی زێدەتر کرنە و تەڤگەرا باله‌فران ل ئاسمانێ ھەرێمێ بێ ناڤبەر دەوام دکەت.
د دەواما داخویانیا هه‌سه‌دێ دا ھاتە گۆتن کو شەرڤانێن هه‌سه‌دێ بەرسڤا ئێرشێن بەژاھی یێن چەتەیان یێن ل دژی گوندەوارێن عەین عیسایێ دان و ل سەر ڤێ یەکێ ئێرش ھاتن تێک برن و چەتە پاشدە ڤەکشیان.
