وەزیرێ دەرڤەیێ ئەمریکایێ مایک پۆمپیۆ، راگەھاندیە کو د چارچۆڤەیا یاسایا سەزار دا، ل سەر ئەندامێن مالباتا سەرۆکێ سووریێ بەشار ئەسەد جەزایێن نوو ھاتنە سەپاندن کو ژ یێن بەرێ گرانترن.
ل گۆری راگەھاندنا پۆمپیۆ، “جەزایێن نوو، ئەسما ئەسەد ھەڤژینا بەشار ئەسەد و ھندەک کەسێن ژ مالباتا وێ مینا فەواز ئەل-ئەخرەس، سەھەر ئەتری ئەل-ئەخرەس، ئەیاد ئەل-ئەخرەس و کیفاح ملحەم سەرۆکێ ئیستخباراتا لەشکەری یا سووریێ ل خوە دگرن.”
پشتی ڤان جەزایێن نوو یێن ئەمریکایێ ھەروھا 18 کەسایەتی و سازیێن نێزیکی رەژیما سووریێ ل خوە دگریت و بانکا ناڤەندییا سووریێ و مالباتا فەواز ئەل-ئەخرەس، بابێ ھەڤژینا سەرۆکێ سووریێ بەشار ئەسەد ژی دایە بەر خوە کو ئەڤە جەزایێن ھەری توندن ل دژی رەژیما ئەسەد.
