ئارته‌شا رووسیا فه‌ده‌رال بنگه‌هه‌كا له‌شكرییا نوو ل گونده‌وارێ باشوورێ باژارۆكێ عه‌ین عیسا ئاڤاكر، شه‌ر و په‌ڤچوونێن هه‌سه‌دێ و میلیشیایێ تركیێ ژی ل نێزی وێ ناڤچه‌یێ دژوار بوونه.
چاڤکانیێن نه‌رینگه‌ها سووری یا مافێن مرۆڤان راگھاند کو ھێزێن رووسی بنگەھەک لەشکەری یا نوو، ل گوندێ کالاتا، ل گوندەوارێ باشوورێ ناڤچەیا عه‌ین عیسا، ل باکورێ رەقایێ دانا، ئه‌ڤ یێك هه‌موه‌ختا دژواربوونا شه‌ر و په‌ڤچوونێن میلیشیا تركیێ و هێزێن سووریایا ده‌مۆكراتیك هاتییه.
ڤێ سبەھێ، نه‌رینگه‌ها سووری یا مافێن مرۆڤان چاڤدێرییا کاروانەک ژ 22 کامیۆنێن بار کری یێ رووسی كر كو ب ئالاڤێن لەشکەری و لۆژیستیکی گها باشوورێ عه‌ین عیسایێ.
ل ده‌ربارێ په‌ڤچوونێن هه‌سه‌دێ و كۆمێن چه‌كدارێن گرێدای تركیێ دیار كر كو ل گوندێن ژاھبەل و ئال-موشارافا ل گوندەوارێ عه‌ین عیسا ل نێزی رێیا ئێم 4ێ شه‌ر و تۆپباران ده‌كه‌تن.
نه‌رینگه‌ها سووری ئه‌شكه‌ره كر، د 24 ده‌مژمێرێن رابووری ده، 7 چه‌كدارێن گرێدای تركیێ هاتنه كوشتن و 4 كه‌س بریندار بوونه.
