مەدیایا ئەمریکی ژ سەر زارێ دیپلۆماتکارەکێ وەلاتێ خوە بەلاڤ کریە کو ئەگەرەک زۆر ھەیە ژ بەر بەردەوامیا ئێریشان، بالیۆزخانەیا ئەمریکا ل بەغدا ژ بۆ ھەولێرێ یان ژی ژ بۆ بنکەیا ئەسەد یا ل رۆژئاڤایێ ئیراقێ بهێتە ڤەگوھەستن.
مالپەرا Axios یا ئامەریکایێ د راپۆرتەکێ دا بەلاڤ کریە، ئەمریکا ئامادەکاریا وێ یەکێ دکەت کو بالیۆزخانەیا خوە یا ل بەغدایێ یان ببەتە ھەڤلێرێ یان ژی بنکەیا ئاسمانی یا سەربازی یا ئەسەد ل رۆژئاڤایێ ئیراقێ.
ھەروھا ئاخۆسێ بەلاڤ کریە بەرپرسێن ئەمریکایێ ژ بەر ئێریشێن ب بەردەوامی بۆ سەر بالیۆزخانەیێ ئامادەکاریێن ڤەگوھەستنا بالیۆزخانەیێ دکەن و ئامادەکاریان دەست پێ کریە.
د راپۆرتێ دا نووچەگهانێ Axiosێ ل گەل بالیۆزێ ئەمریکایێ ل بەغدایێ ماتیو تۆلەر ژی ئاخڤتیە و تۆلەر ژی ئامادەکاریێن ڤەگوھەستنێ پشتراست کریە.
