سه‌رۆكێ گشتی یێ پارتییا ئازادییا كوردستانێ پاكێ، ل ده‌ربارێ ئێریشا كو ل رۆژێن رابووری ل سه‌ر د. ئیسماعیل به‌شیكچی هاتییه كرن راگهاند كو ئه‌ڤ ئێریش نرخێن كوردان هه‌ده‌ف دكن، ئه‌و نرخێن كو برێز به‌شیكچی ب ئیسرار وان د پارێزه.
مسته‌فا ئۆزچەلیک د ڤێ ده‌ربارێ ده داخویانی پارڤه كر ئه‌ڤ ژی ته‌كستا وێ یه:
د ڤان رۆژێن داوین ده، د سۆسیال مەدیایێ دە، ل سەر برێز د.ئیسماعیل بەشیکچی ھن ئێریش تێنە کرن، د سەری دا دخوازم ببێژم کو ئەز ڤان ئێریشان شەرمەزار دکم، دڤێ بێ زانین کو ئێریشا ل برێز درئسماعیل بەشیکچی تێ کرن، د ئەسلێ خوە دە ئێریشا ل دژی وان نرخێن کوردستانی یە کو برێز بەشیکچی، ب ب ئیسرار وان دپارێزە.
وەکە ھەموو برێڤەبر و ئەندامێن پاکێ، دگەل ھەست و رامانێن خوە یێن کوردستانی ئەم ل گەل مامۆستەیێ ھێژا برێز د. ئیسماعیل بەشیکچی نە.
برێز د. ئیسماعیل بەشیکچی زانیارەکی ترکێ ھێژایە کو راستییا کوردستانێ ب دانەیێن زانستی پێشکێشی جڤاتێ دکە، برێز د. ئیسماعیل بەشیکچی مافێ چاره‌نڤیسا ملەتێ کورد ب ئاوایەکی بێدودلی پاراستی یە و ب ڤێ بۆنەیێ ژی 17 سالێن تەمەنێ خوە د ناڤا زیندانێ دا دەرباس کرییە.
برێز بەشیکچی ل گۆری وان پیڤان و نرخێن زانستی یێن ناڤنەتەویی، زانستەکی ل ترکیەیێ و ل کوردستانێ کێمدیتی یە، ھەلبەت مافێ ھن سییاسەتمەدار و رەوشەنبیران ھەیە کو رەخنەیان ل ھن دیتن و پێشنیازێن برێز بەشیکچیی بکن، لێ ھەقارەتا ل دژی شەخسێ وی، کەدا وی، فەداکاریێن وی، فکر و رامان و نرخێن کو ئه‌و دپارێزە؛ د ئەسلێ خوە دا ھەقارەتا ل دژی نرخێن مرۆڤاھی و وژدانی یە، ل دژی پاراستڤان و ئالیگرێن دۆزا کوردستانێ یە.
بەری ھەر تشتی وازیفەیەکە مرۆڤی و نەتەوەیی و کوردستانی یە کو ل ھەمبەری ئێریشێن ل سەر برێز د. ئیسماعیل بەشیکچیی تێنە کرن، ئەم ب دل و جان ل با وی بن و رێزێ ل ڤی مرۆڤێ نەفسبچووک، فەداکار و ھێژا بگرن.
ئەم بانگی ھەموو پارتیێن کوردستانی، بانگی ھەموو سییاسەتڤان، رەوشەنبیر و رھسپی یێن وەلاتپەروەرێن کورد و کوردستانی دکن کو ل جەم برێز د. ئیسماعیل بەشیکچیی بن.
مسته‌فا ئۆزچەلیک
سەرۆکێ گشتییێ پاکێ
