باژێرێ به‌غدا یێ پایته‌ختا ئیراقێ، جاره‌كه دن وه‌كه خه‌رابترین جیێ ژیانێ ل سه‌ر ئاستا دنیایێ تێ ده‌ست نیشان كرن، هه‌روه‌ها ڤیه‌نا ژی وه‌كه باشترین باژێر.
د ئەنجاما لێکۆلینەکە دەزگەھا شركه‌تا ئابووریێ یا ب ناڤێ مێرسه‌ر كو سالانە دکە، به‌غدا وەکە باژارێ ھەری خەرابێ سەر روویێ ئەردی ھات دەست نیشان کرن، ھەروه‌ھا ڤیه‌نا ژی وەکە باشترین باژارێ جیھانێ دەست نیشان کرییە.
دەزگەھا شركه‌تا ئابووری مێرسه‌ر کو ھەر سال د دەربارێ باژار و پایتەختێن وەلاتان دە لێکۆلینان چێدکە و بەلاڤ دکە دایە زانین، پایتەختێ ئاوستوریا ڤیه‌نا باژارێ باشێ جھانێ یە ژ بۆ ژیانێ و پایته‌ختا ئیراقێ به‌غدا ژی خەرابترین باژارێ جھانێ یە ل سەر روویێ ئەردی ژ بۆ ژیانێ.
ل گۆری راپۆرتا مێرسه‌رێ، د رێزا باژار و وەلاتێن ھەری باش د رێزا یەکەم دە ڤیه‌نا و ب رێزا دوویەم ژی رە زیۆریخ و رێزا سێیەم ژی ئۆکلاند جیھ دگرە، ھەروھا ل سەر ئاستا وەلاتێن ئەرەبی ژی، باژارێ ھەری خوەشێ ئەرەبی دوبه‌ی یه ژ بۆ ژیانێ و ل سەر ئاستا جیھانێ ژی د ئاستا 75ان دە جیھ دگرە.
باژارێ ھەری خەراب ژ بۆ ژیانێ ژی به‌غدا ھاتییە دەست نیشان کرن، کو د رێزا 230ان دە یە.
ھێژایی گۆتنێیە، ب دەھان ملیشیایێن توندرەو ل به‌غدایێ پەیدا بوونە و رەوشا ئەمنی یا باژێر گەلەکی خەراب بوویە و نە ئارته‌شا ئیراقێ نە ژی حکوومەت دکارن رەوشا باژێر کۆنترۆل بکن و رۆژانە ل به‌غدایێ کریارێن تەرۆریستی تێن ئەنجام دایین، بالیۆزخانەیێن وەلاتێن بیانی تێن ئارمان جکرن.
