كۆمارا ئیسلامی یا ئیرانێ، 3 گرتی كو ئه‌ندامێن كۆما فورقان یا سه‌له‌فی نه، ب سووچا سه‌رهلدانا چه‌كداری یا ل دژی ده‌وله‌تێ سێداره‌دان.
كۆمارا ئیسلامی یا ئیرانێ، جه‌زایێ سێداره‌دانێ ل سه‌ر 3 گرتیێن سوننه مه‌زهه‌ب و ئه‌ندامێن كۆما سه‌له‌فی یا ب ناڤێ فورقان ب سووچا سه‌رهلدانا چه‌كداری یا ل دژی ده‌وله‌تێ جی ب جی كر.
ل ئیرانێ کۆما سەلەفی «حزب ئه‌ل فورقان» وەک رێخستنه‌كا تەرۆری دهێته ناس كرن، ناڤێ ھەرسێ مەحکوومێن كو هاتنه سێداره دان ئه‌ڤه‌نه: «حەمید راستبالا، کەبیر سەعادەت جیھانی و محەمەد عەلی عارایەش».
جه‌زایێ سێداره‌دانێ یێ ڤان ئه‌ندامێن كۆما فورقان ل 2 ڤێ مه‌هێ ل باژارێ مەشھەدێ ل گرتیگەھا وەکیلابادێ هات جی ب جی كرن.
دادگەھا شۆرەشێ یا مەشھەدێ ل سالا رابووری جەزایێ سێداره‌دانێ دابوو کەسێن ناڤبووری یێن کو ل گۆری ده‌ستهلاتا ئیرانێ ب رێیا ئەندامەتییا کۆما سەلەفی یا فورقان و به‌ره‌یێ ھەڤکارییا نەتەوی یێ ئەھلێ سونەتێ خوه‌ستن «سەرھلدانا چەکداری ل دژی دەولەتێ» پێكبینن.
سازیێن مافێن مرۆڤان یێن ناڤنەتەوەیی ل ده‌ربارا جی جی كرنا ڤی جه‌زای، دیار دکه‌ن کو پێڤاژۆییا دادگه‌ه كرنا وان شەفاف نینە.
