ڤیروسا نوو یا کۆرۆنایێ گھیشت ئیرانێ ژی

وەزیرێ تەندورستییا ئیرانێ راگھاند، ڤیرۆسا نوو یا کۆرۆنایێ ل وی وەلاتی ژی ھاتییە تۆمار کرن.

وەزیرێ تەندورستییا ئیرانێ، ئیرۆ رۆژا سێشه‌می 5/1/2021ان راگھاند، ڤیرۆسا نوو یا کۆرۆنایێ گھیشتییە ئیرانێ ژی و کەسەکی کو ژ به‌ریتانیا ڤەگەریابوو، ب وێ ڤیروسێ کەتییە.

وه‌زیرێ ته‌ندروستیێ ل سەر رەوشا وی کەسی ژی گۆت: رەوشا وی باشە و ل نەخوەشخانێ ھاتییە رازاندن.

ژ ئالیەکی دن، وەزارەتا تەندورستییا ئیرانێ راگھاند، د ناڤ 24 ساعەتێن رابووری دە 6 ھەزار و 113 کەس ب کۆرۆنایێ کەتنە و 98 کەس ژی ب کۆرۆنایێ مرنە.

ل گۆری ئامارێن فەرمی، ھەتا نھا ل ئیرانێ ملیۆنەک و 255 ھەزار و 620 کەس ب کۆرۆنایێ کەتنە کو 55 ھەزار و 748 کەس ژ وان مرنە و ملیۆنەک و نێزی 30 ھەزار پێکەتیێن کۆرۆنایێ ژی باش بوونە.