کاندیدێ حکوومەتا ھەرێما کوردستانێ ژ بۆ پۆستا وەزراتا سامانێن سرووشتی دکتۆر. کەمال ئەتروشی ئاشکەرا کر ئەو دێ ئەزموونا خوە یا 40 سالی د وارێ نەفت و گازێ دا پێشکەش بکەت.
ئیرۆ رۆژا سێشەمێ 5/1/2021ێ در. کەمال ئەتروشی ژ بۆ کەنالێ K24ێ ئاخڤی و ئاشکەرا کر دێ وەزارەتا سامانێن سرووشتی ل گۆر ئاستا ناڤدەولەتی بنەجی و بھێز کن. کەمال ئەتروشی گۆت؛ ” ئەز ھێڤی دکم وەزارەت د دەمەکی کورت دا پێش بکەڤیت. ئەم دێ خەباتەکا تایبەت کین. ئەم دێ خەبات و ئەزموونا خوە یا 40 سالی د وارێ نەفت و گازێ دا پێشکێشی ملەتێ خوە کین. “
ھەروھا در. کەمال ئەتروشی دبێژیت ئەو دێ ئەندازیارێن نەفتێ یێن ھەرێما کوردستانێ د وەزارەتێ دا وەرگرن و ژ بۆ پێشکەفتنا کار و خەباتا وەزارەتا سامانێن سرووشتی چ پێویست بیت ئەو دێ کن.
در. کەمال ئەتروشی بانگ ل ئالیێن سیاسی ژی کر و داخواز ژ وان کر دڤێت ئەو ب ھەڤرا کار بکن و د ناڤا ھەماھەنگی و ھەڤکاریێ دا بن.
سەرۆکوەزیر مەسروور بارزانی، در. کەمال ئەتروشی وەکو کاندیدێ وەزارەتا سامانێن سرووشتی دەستنیشان کربوو و بریارە سبەھی پەرلەمان دەنگدانێ ل سەر وی بدەت.
