چه‌ته‌یان دوو ژنێن كورد ب زارۆك ڤه‌ ره‌ڤاندن

چه‌ته‌یان دوو ژنێن كورد ب زارۆك ڤه‌ ره‌ڤاندن

گرۆپێن چه‌كدار یێن گرێدای تركیێ ل رۆژئاڤا كوردستانێ، 8 كه‌سێن دن یێن سڤیل ژ هه‌رێما عه‌فرینێ ره‌ڤاندن.

گرووپا ئەل ھەمزات ل گەل گرووپا پۆلیسێن لەشکەری ل گوندێ کەفەردەلا ژێرین یێ سەر ب ناڤچەیا جندرێسێ 4 وەلاتیێن سڤیل رەڤاندن، ھەروه‌ھا ھەمان گرووپێ ل عه‌فرینێ ژی 4 کەسێن سڤیل رەڤاندنە و چاره‌نڤیسا وان 8 کەسان نە دیارە.

ل رۆژئاڤایێ کوردستانێ، گرووپا ئەل ھەمزات لگەل پۆلیسێ لەشکەری ل گوندێ کەفەردەلا ژێرینیێ سەر ب جندرێسێ، وەلاتیێ ب ناڤێ «رۆنی خەلیل دادۆ، ھەڤژینا وی و دو زارۆکێن وی» رەڤاندن و ھەتا نھا ژی چاره‌نڤیسا وان نە دیارە.

ھەروه‌ھا ل باژارێ عه‌فرینێ ژی گرووپا چەکدارا ئەل ھەمزات ب سەر مالا عەدنان جمۆ دە گرتنە، ئەو و 3 ئەندامێن دن یێن مالباتا وی ب ناڤێن «فاتیمە مەحموود، رزگار عەدنان جمۆ، عەلیا عەدنان جمۆ» ژ ئالیێ وێ گرووپا چەکداری ڤە ھاتنە رەڤاندن.

تەڤی کو خزمێن وان ژ بۆ وەرگرتنا ئاگاھیێن دەربارێ وان دە سەردانا بارەگەھا لەشکەری کرنە ژی، لێ تو ئاگاھی دەربارێ وان دە نەھاتنە دایین.

پوستێن ھەمان بەش