ههر چهند كو هاتییه ئیلان كرن كو پهیمانا شهنگالێ یا ئاساییكرنا رهوشا باژێر هاتییه ب جی كرن، لێ بهلێ وێ پهیمانێ تهنێ جلێن چهكدارێن پهكهكێ گوههراندنه و هێژان ل ناڤچهیێ جی دگرن.
مهحما خهلیل قائیمقامێ شهنگالێ ژ بۆ ئاژانسا سپۆتنیك یا رووسی ل دهربارا پهیمانا شهنگالێ ئاخڤی یه.
خهلیل وها دبێژه: پهیمانا شهنگالێ تهنێ گوههرینێن شهكلی ل ناڤچهیێن گهلێ ئێزدی ده چێكرنه و هێژان چهكدارێن پهكهكێ ل ناڤچهیێ جی دگرن و ژێ دهرنهكهتنه.
ههروهها دهست نیشان كر، چهكدارێن پهكهكێ تهنێ ژ بۆ چهند ساعهتان ژ ناڤهندا باژێر دهركهتن چیایێ شهنگالێ و پشتره جلێن خوه گوههراندن و ڤهگهرین بارهگههـ و نوقتهیێن خوه.
ل گۆری ئاگاهیێن قائمقامێ شهنگالێ، ههیا نها ب سهدهما چهكدارێن پهكهكێ پێتری 80% ژ ئاواره و كۆچبهرێن شهنگالێ د كامپان ده مانه و نكارن ڤهگهرن.
