ل دیاربەکرێ د مالەکێ دا تەرمێ 3 کەسان ھاتە دیتن. ھاتە زانین کو کەسێن جانێ خوە ژ دەست دای، پارێزەر عۆمەر باران، ھەڤژینا وی مەکیا باران و پارێزەرێ ستاژەر ماھسون ئاکباشن.
بارۆیا دیاربەکرێ راگھاند، دبیت کو سەدەما مرنێ ژەهراویبوونا ژبەر غازا سروشتی بیت.
ل دیاربەکرێ ل ناڤچەیا ناڤەندی یەنیشەھیرێ د مالەکێ دا 3 کەس ب ئاوایەک مری ھاتنە دیتن.
ھاتە راگھاندن کو سەدەما مرنێ ژ غازا سروشتییە. سەرۆکێ بارۆیا دیاربەکر جیھان ئایدن ئاماژە کر کو گومان ھەیە کەسێن ژیانا خوە ژ دەست دای ب غازا سروشتی ژەهراوی بووبن و ژیانا خوە ژ دەست دابیت.
عۆمەر باران یەک ژ وان مافناسان بو کو گرینگی ددا زمانێ زکماکی و دەربارێ فێربونا خوەیا زمانێ زکماکی دا ژی نێرینێن خوە د K24ێ دا پارڤە دکرن. ژ بەر وەفاتا عۆمەر باران د ناڤا یاساناسان دا خەمگنیەک مەزن چێبوو. عۆمەر باران تەڤی کو ژ چاڤێن خوە ئاستەنگدار بو ژی ئەڤ چەندو ژ بۆ خوە نەدکرە خەم و کارێ پارێزەریێ دکر.
