پشتی بوویەرێن دوھ کۆنگرەیا ئامەریکایێ ئیرۆ جار دن جڤیا و سەرۆکتییا جۆ بایدن پەسەند کر، دۆنالد ترامپ کو دوھ ئالیگرێن خوە ب سەر کۆنگرەیا ئامەریکایێ دە شاندبوون و بووبوو سەدەما ئالۆزییان ژی پشتی پەسەندکرنا سەرۆکتیا بایدن داخویانی دا.
ترامپ گۆت: «ئەزێ ئەرکا خوە راده‌ستی بایدن بکم، دێ ل 20 ڤێ مه‌هێ ڤەگوھەستنەکە بێ پرسگرێک چێببە.«
دوھ پشتی میتینگا ترامپ، ئالیگرێن وی مەشیابوون ئاڤاھییا کۆنگرەیا ئامەریکایێ کو ئامادەکارییا پەسەند کرنا سەرۆکتیا جۆ بایدن دکر.
د بوویەران دا 4 کەس ھاتبوون کوشتن و 52 کەس ژی ھاتبوون بن چاڤ کرن کو جڤینا پەسەندکرنا سەرۆکتیا بایدن مابوو ئیرۆ.
د ھلبژارتنێن 3یێ مژدارا 2020ێ یێن سەرۆکتییا ئامەریکایێ دا نامزەتێ دەمۆکراتان جۆ بایدن ب 306 دەنگێن دەستەیا ھلبژارتنێ ب ده‌ست خستن، ل بەرامبەر 232 دەنگێن دۆنالد ترامپ.
ب پەسەندکرنا ڤێ ئەنجامێ، جۆ بایدن دێ ل 20ێ ڤێ مه‌هێ ببە سەرۆکێ 46ێ یێ ئامەریکایێ.
