ل ڤێ ناڤچەیا باشوورێ کوردستانێ شەر قەومی!
![ل ڤێ ناڤچەیا باشوورێ کوردستانێ شەر قەومی!](https://darkamazi.net/file/2021/01/WhatsApp-Image-2021-01-07-at-8.06.26-PM.jpeg)
بالهفرێن دهولهتا تركیێ ئیرۆ بارەگەهەکێ چەکدارێن رێخستنا پهكهكێ ل ناڤچەیا باکرمان یا سەر ب ئاکرێ ڤە هەدەف كر.
چاڤكانیێن پێگهها داركا مازی ل باشوورێ کوردستانێ ئاشكهرا كرن، ئیرۆ رۆژا پێنجشەمی 7/1/2021ێ، بالهفرێن دهولهتا تركیێ، بارەگەهەکێ چەکدارێن پەکەکێ ل ناڤچەیا دناڤبەرا گوندێ شویلێ و هیزانێ ل نێزیکی باکرمان بۆمبەبارانکر.
دهست نیشان كر، ئیرۆ ئێڤاری بالەفرێن شەری یێن دەولەتا ترکیێ ل دەمژمێر 6:00 ئەڤ بارەگەهێ چەکدارێن پەکەکێ هەدف کر، لێ حەتا نها هیچ زانیاریەک ل سەر زرارێن جانی و ماددی یێن پەکەکێ نەهاتیە زانین.
پشتی تەسلیمکرنا دەڤەرێن سنۆری یێن د ناڤبەرا باشوور و باکورێ کوردستانێ ژ لایێ چەکدارێن پەکەکێ ب دەولەتا ترکیێ، ب تایبەتی پشتی تەسلیمکرنا حەفتەنینێ، پەکەکێ چەکدارێن خوە د ناڤا کووراتیا ئاخا باشوورێ کوردستانێ بەلاڤکرن و بارەگەهێن نوو ئاڤاکرن، ئەڤ چەندە ژی بوویە سەدەم کو بەردەوام بارەگەهێن وان یێن کو نێزیکی جهێن ئاکنجیبوونا هەموەلاتیێن گوند و باژێرۆکانە بێنە هەدەفکرن.
هەموەلاتی داخوازێ ژ پەکەکێ دکن ژ گوند و وارێن وان دوور کەڤن داکو جانێ وان پاراستی بیت و دەولەتا ترکیێ ب بەهانەیا هەبوونا چەکدارێن پەکەکێ زییانێ نەگەهینیت وان، لێ پەکەکە بەرژەوەندیێن خوە یێن حزبی ژ جانێ هەموەلاتیان گرنگتر دبینیت، لەوما ب چ ئاوا گوهـ نادەتە داخوازا وان.
![ل ڤێ ناڤچەیا باشوورێ کوردستانێ شەر قەومی!](https://darkamazi.net/file/2021/01/WhatsApp-Image-2021-01-07-at-8.06.26-PM-1.jpeg)