باله‌فرێن جه‌نگ یێن ده‌وله‌تا تركیێ ئیرۆ جاره‌كه دن ئێریشی لڤ و ته‌ڤگه‌رێن چه‌كدارێن په‌كه‌كێ ل باشوورێ كوردستانێ كر و نوقته‌یێن رێخستنێ ل ئاقارێ گوندێ ب ناڤێ كێسته بۆرۆدمان كر.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا ئینی 8\1\2021ان، باله‌فرێن جه‌نگ یێن ده‌وله‌تا تركیێ نوقته‌یێن په‌كه‌كێ ل ده‌ڤه‌را ب ناڤێ هه‌ڤشێ كورێ كو دكه‌ڤه ئاقارێ گوندێ كێسته یێ سینۆرێ ناڤچه‌یا كانی ماسێ ل ده‌ڤه‌را به‌رواری بالا بۆرۆدمان كر.
ده‌ست نیشان كر، باله‌فران دوو رۆكه‌ت ل نوقته‌یێن په‌كه‌كێ ل ڤێ ناڤچه‌یا باشوورێ كوردستانێ دانه، لێ به‌لێ ئاگاهی ل ده‌ربارا زراران تونه‌نه.
ئه‌ڤ ئێریش ئیرۆ رۆژا ئینی سه‌رێ سبه‌هێ ب تایبه‌ت ل ساعه‌ت 5:15 پێكهاتییه.
رێخستنا په‌كه‌كێ هه‌ركو دچه لڤ و ته‌ڤگه‌رێن چه‌كدارێن خوه تێخه ناڤا گوند و نێزی باژارۆكان، ئه‌ڤ یێك بوویه جیێ عاجزبوونا شێنیێن باشوورێ وه‌لات ب تایبه‌ت ل گوندێن سینۆرێ پارێزگه‌هییا دهۆكێ، ئامانجا په‌كه‌كێ ژ ڤێ هه‌نگاڤێ ئه‌ڤ گوند وه‌رن ڤالا كرن و ببن مه‌یدانا شه‌ر.
