ل پارێزگەھا ئامەدێ یا باکورێ کوردستانێ د شەر و پەڤچوونەکێ دا لەشکەرەکی ترکیێ ھاتە کوشتن و 2 ژی بریندار بوون. ھەروھا ئۆپەراسیۆنا سەربازی یا ل دەڤەرێ ژی بەردەوامە.
وەزارەتا ناڤخوەیا ترکیێ راگھاند کو د ناڤچەیا چیایی یا قەزایا لجێ سەر ب پارێزگەھا ئامەدێ شەر د ناڤبەرا لەشکەرێن ترکیێ و گەریلایێن پەکەکێ دا دەرکەتیە و د ئەنجامێ دا لەشکەرەک ھاتیە کوشتن و 2 ڵەشکەر ژی بریندار بوونە.
ل ناڤچەیا لجێ ئۆپەراسیۆنێن ئارتێشا ترکیێ بەردەوامن. ل گۆر وەزارەتا ناڤخوە یا ترکیێ، ل ناڤچەیا چیایی یا لجێ شەر و پەڤچوون د ناڤبەرا لەشکەر و گەریلایێن پککێ دا دەرکەتیە و 3 لەشکەر بریندار بوونە، لێ ژ بەر برینا یەکی ژ وان گران بوویە ل نەخوەشخانەیێ جانێ خوە ژ دەست دایە.
