ل پارێزگەھا ئامەدێ یا باکورێ کوردستانێ د شەر و پەڤچوونەکێ دە عه‌سكه‌ره‌ك ترک ھات کوشتن و دوو ژی بریندار بوون، ئارته‌شا تركیێ دۆرا چار گوندان گرتییه.
وەزارەتە ناڤخوە یا ترکیێ راگھاند کو د ناڤچەیا چیایی یا قەزایا لجێ یا سەر ب پارێزگەھا ئامەدێ ڤه، شەر د ناڤبەرا عه‌سكه‌رێن ترک و چه‌كدارێن په‌كه‌كێ دا دەرکەتییە و د ئەنجامێ دا عه‌سكه‌ره‌ك ھاتییە کوشتن و 2 عه‌سكه‌ر ژی بریندار بوونە.
ل ناڤچەیا لجێ ئۆپەراسیۆنێن ئارتێشا ترکیێ بەردەوامن و ژ دوهـ رۆژا شه‌می ڤه، ئارته‌شا تركیێ دۆرا چار گوندێن ب ناڤێ «چاگداش، دیبەک، ئاریکلی و باگلانێ» یێن ناڤچەیا لجێ یا ئامەدێ گرتییه.
ل گۆر وەزارەتا ناڤخوە یا ترکیێ، ل ناڤچەیا چیایی یا لجێ شەر و پەڤچوون د ناڤبەرا عه‌سكه‌ر و چه‌كدارێن په‌كه‌كێ دا دەرکەتییە و 3 عه‌سكه‌ر بریندار ببوون، لێ ژ بەر برینا یەکی ژ وان گران بوویە ل نەخوەشخانەیێ جانێ خوە ژ دەست دایە.
