د سالا نوو دا ئه‌ڤ 4 تشت ل عه‌فرینێ زێده‌بووینه‌

د سالا نوو ده‌ ئه‌ڤ 4 تشت ل عه‌فرینێ زێده‌بوونه‌

جینایه‌تێن كۆمێن چه‌كدارێن گرێدای تركیێ د راستا شێنیێن عه‌فرینێ ده‌ زێده‌بوونه‌، فدییە وه‌رگرتن، گەفخوارن، ئێشکەنجە و تالان بوونه‌ تشته‌كی هه‌ری به‌رچاڤ كو ل عه‌فرینێ تێ ژیان كرن.

ناڤەندا بەلگەکرنا مافێن مرۆڤان یا باکور و رۆژھلاتێ سووریێ، راپۆرا خوەیا ل سەر بنپێکرنا مافێن مرۆڤان، کو د ناڤبەرا 1 هه‌تا 10 ڤێ مه‌هێ  ل هه‌رێما عه‌فرینێ یا رۆژئاڤا كوردستانێ ھاتن کرن، ئەشکەرە کر.

ل گۆری راپۆرێ، ل عەفرین و گرێ سپی 3 ژێ ژن، 4 ژێ زارۆک ب گشتی 18 کەس ژ ئالیێ كۆمێن چه‌كدار ڤە ھاتن رەڤاندن.

ده‌ست نیشان كر، ل ناڤچەیا شێراوا کەسەک، ل راجۆ کەسەک، ل جندرێسێ 5 كه‌س 4 ژ یه‌ك مالباتێنه‌، هه‌م ده‌م ل تاخا مەحموودیێ یا عەفرینێ ژی 4 کەس ژ یه‌ك مالباتێ د 10 رۆژێن رابووری ده‌ هاتنه‌ ره‌ڤاندن و جینایه‌تا وان نایێ زانین.

ناڤه‌ندا به‌لگه‌كرنا مافێن مرۆڤان به‌حسا كه‌سێن كو ژ باژارۆكێ گرێ سپی ژی هاتنه‌ ره‌ڤاندن كر و ئه‌شكه‌ره‌ كر كو 7 كه‌س ل وێ ده‌رێ ژی كۆمێن چه‌كداران ره‌ڤاندنه.

ل گۆری چاڤكانیێن خوه‌جهی، كۆمێن چه‌كداران ژ بۆ ستاندنا فدیێ شینیێن عه‌فرینێ د ره‌ڤینن  و په‌ره‌یان ژ مالباتێن ره‌ڤاندییان دستینن.

پوستێن ھەمان بەش