یه‌كینه‌یێن پاراستنا گه‌ل ئیرۆ ناسنامه‌یا 8 شه‌رڤانێن خوه ئیلان كر كو ل رۆژئاڤا وه‌لات جانێ خوه ژ ده‌ست دانه، یه‌په‌گێ گۆتییه كو ئه‌ڤ شه‌رڤان ژ هێلا ته‌رۆریستێن داعشێ ڤه هاتنه شه‌هید كرن، لێ به‌لێ ده‌وله‌تا ترك دبێژه: مه ئه‌و هه‌ده‌ف كرنه.
ناڤه‌ندا راگهاندن و چامه‌نیێ یا یه‌په‌گێ ئیرۆ رۆژا یه‌كشه‌می 10/1/2021ان داخویانییه‌ك نڤیسكی پارڤه كر و تێده ناسنامه‌یا 8 شه‌رڤانێن خوه ئیلان كر كو ل ده‌م و جهێن جودا یێن رۆژئاڤا كوردستانێ جانێ خوه ژ ده‌ست دانه، یه‌په‌گه دبێژه: ئه‌ڤ شه‌رڤان ژ بۆ ئازادییا مرۆڤاهیێ جانێ خوه فه‌دا كر و ژ بۆ پێشه‌رۆژا مرۆڤاهیێ بوون رۆناهی.
یه‌په‌گێ د داخویانیێ ده په‌سنا ته‌كۆشینا وان شه‌رڤانێن خوه كر و گۆت كو ئه‌و د به‌رخوه‌دانا ل دژی ته‌رۆرا داعشێ ده گهیشتن شه‌هاده‌تێ.
ئه‌ڤ داخویانییا یه‌په‌گێ هه‌موه‌ختا داخویانیێن ئیرۆ و رۆژێن رابووری یێن وه‌زاره‌تا پاراستنا نه‌ته‌وه‌ی یا تركیێ تێ كو تێده ئه‌شكه‌ره كرییه، ژ ده‌ستپێكا ڤێ سالێ ڤه، پێتری 15 چه‌كدارێن په‌كه‌كێ ل ناڤچه‌یا كانییا ئاشتیێ هاتنه هه‌ده‌ف كرن.
