نەتەوه‌بێن یەکگرتی داخواز دكه‌ت، بلەز په‌یمانا شه‌نگالێ ب ھەموو بەندێن وێ ڤە بهێته بجهئینان.
نوونەرا نەتەوه‌یێن یەکگرتی ل ئیراقێ جینین ھەننس-بلاسخارت دوھی ب سەردانەکێ گھیشتبوو شه‌نگالێ و بجهئینانا په‌یمانا ڤێ داویێ یا د ناڤبەرا به‌غدا و ھەولێرێ دا یا ژ بۆ ئاساییکرنا رەوشا شه‌نگالێ شۆپاند.
ھەننس بلاسخارت راگھاند، دڤێت بلەز ھەموو رێکارێن ئەولەھیێ و بەشێن دن یێن په‌یمانێ بهێنه بجهئینان، ناڤچە وبهێته ئاڤەدان کرن و کۆچبەر بکارن ڤەگەرن سەر جھ و وارێن خوە.
نوونەرا نەتەوه‌یێن یەکگرتی ل ئیراقێ پەسنا په‌یمانا شه‌نگالێ دا و گۆت: حکوومرانیەکا ئاکتیڤ، ئیدارەیەکا یەکگرتی و پەیدابوونا ئەولەھیێ، بنگەھێن سەرەکی نە ژ بۆ ھەر پێشڤەچوونەکێ، تشتێ کو ھەتا نھا ھاتیە بدەستخستن، دکاریت ببیته رێیەک ژ بۆ باشترکرنا رەوشا ژیانی، ژ بەر ڤێ یەکێ پێویستە ھەموو ئالی ب ھەڤ رە كار بكه‌ن و ب ھەڤ رە ھەڤکاریێ بکه‌ن.
ھەروھا شاندا نه‌ته‌وه‌یێن یه‌كگرتی سەره‌دانا باژارێ کەڤنێ شەنگالێ کر کو د دەما شەرێ 2014-2017ێ دا ب داعشێ ئه‌ڤ ده‌ر وێران كربوو، ھەروه‌ھا سەره‌دانا گوندێ تل بەناتێ کر کو نێزی 600 مالباتێن شەنگالی یێن کۆچبەر، ڤەگەریانە سەر مال و مولکێن خوە.
