وەزارەتا دەرڤە یا ئامەریکایێ، ئامادەکاریێ دکە کو ملیسێن حووسی یێن یەمەنێ کو پشتگریێ ژ ئیرانێ دستینن، وەک رێخستنەکە تەرۆریست پێناس بکە و بخە لیستەیا رەشا تەرۆرێ، تێ چاڤەرێ کرن ئامەریکا ئیرۆ بریارا بۆ ھووسیان راگھینە.
وەزیرێ دەرڤەیێ ئامەریکایێ، مایك پۆمپێیۆ دایە خویاکرن، ئەو ھەول ددن تەڤگەرا حووسییان یا یەمەنێ وەکی کۆمەکە تەرۆریستی بدن ناس کرن و بخن لیستەیا تەرۆرێ.
پۆمپێیۆ دیار کرییە کو ئەو کۆما چەکدار مەترسییە ل سەر خه‌رابترکرنا قەیرانا مرۆڤی ل یەمەنێ.
پۆمپێیۆ گۆتییە: دڤێ ژ بۆ وێ کۆما چەکدار ب سەدەما کریارێن تەرۆریستی یێن ل یەمەنێ لێپرسین ل سەر بێ کرن، ب تایبەت ژ بەر ئێریشێن وان یێن ل سەر سینۆران، سەر خەلکێ سڤیل، ژێرخانه‌یا یەمەنێ و کەشتیێن بازرگانی.
ل گۆری زانیارییان وەزارەتا دەرڤەیا ئامەریکایێ، دبە کو ئیرۆ دوشەمێ راگھینە کو حووسی خستنە ناڤ لیستا تەرۆرێ.
ھێژایی گۆتنێ یە، ئامەریکا دخوازە حووسیێن نێزیکی ئیرانێ ل یەمەنێ لاواز بکە و دەرفەتەکێ ژ بۆ دانووستاندنێن سیاسی ل یەمەنێ ڤەکە.
