رێخستنا په‌كه‌كێ 8 چه‌كدارێن خوه ل باشوورێ كوردستانێ ژ ده‌ستدان، وه‌ختا ل چیایێ گاره‌ی كه‌تینه به‌ر ئێریشه‌كا باله‌فرێن ده‌وله‌تا تركیێ.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا سێشه‌مبی 12/1/2021ێ، باله‌فرێن جه‌نگێ یێن ده‌وله‌تا تركیێ لڤ و ته‌ڤگه‌رێن چه‌كدارێن په‌كه‌كێ ل ئاقارێ گوندێ ب ناڤێ شكیران یێ سینۆرێ ناڤچه‌یا چه‌مانكێ ل ده‌ڤه‌را گاره هه‌ده‌ف كرنه.
هه‌روه‌ها دا زانین، ئێریش ل ساعه‌ت 3:40 سه‌رێ سبه‌هێ پێكهاتییه و باله‌فران دوو رۆكه‌ت ل حه‌ره‌كه‌تا په‌كه‌كێ خستنه.
د ڤێ ده‌ربارێ ده، وه‌زاره‌تا پاراستنا نه‌ته‌وه‌یی یا تركیێ ئیرۆ به‌لاڤ كرییه، د ئێریشا هه‌وایی ده، كو ل چیایێ گاره پێكهاتییه، 8 چه‌كدارێن رێخستنا په‌كه‌كێ هاتنه هه‌ده‌ف كرن.
رێخستنا په‌كه‌كێ و بالێ وێ یێ له‌شكری هه‌په‌گێ، چ داخویانی ل ده‌ربارا ژ ده‌ست دانا ڤان چه‌كدارێن خوه نه‌دانه و ئه‌ڤ ئاگاهیێن وه‌زاره‌تا پاراستنا نه‌ته‌وه‌یی یا تركیێ نه دره‌واندینه.
