ئارته‌شا ترکیێ و کۆمێن چەکدار، باژارۆکێ تل رفعت و گوندەوارێن ھەرێما شەھبایێ، ب دژواری تۆپباران کرن.
ئارته‌شا ترکیێ و کۆمێن چەکدارێن گرێدایی وێ، ژ دوهـی رۆژا دووشه‌مبێی، ئێرشێن سەر باژارۆکێ تل رفعت و گوندەوارێن ھەرێما شەھبایێ، توندتر کرینە.
ل گۆری نه‌رینگه‌ها سووری یا مافێن مرۆڤان، ئارته‌شا ترکیێ و کۆمێن چەکدارێن ئالیگر، دەردۆرا باژارۆکێ تل رفعت و گوندێن مەرەعناز، عەین دەقنێ و بیلوونە ل ناڤچەیا شەھبایێ ل باکورێ رۆژئاڤایێ حەلەبێ تۆپباران کرنە.
د تۆپبارانا ناڤچەیێ دا، پێگەھێن یه‌په‌گێ و ھێزێن سەر ب وێ ڤە ھاتینە ھەدەف گرتن، بێیی کو چ زانیاری ل سەر ئەنجامێن وان ئێریشان دیار ببن.
ژ بەر كو ل دەڤەرا شەھبایێ تل رفعت باژارۆکێ ھەری نێزیکی سینۆرێ ترکیێ یە و ھێزێن یه‌په‌گێ لێ ھەنە، ھەروه‌ھا فرۆکەخانەیا مننخ یا لەشکەری ژی ل باکورێ رۆژئاڤایێ تل رفعه‌تێ یە کو د کۆنترۆلا ھێزێن کوردی دا یە، ئه‌و ده‌ڤه‌ر پڕ گرنگە.
