فەرماندارەکی پێشمەرگە وەکە بالیۆزێ ئاشتیا ناڤدەولەتی ھاتە دیارکرن

 ئەنجوومەنا ناڤدەولەتی یا ئاشتی و بەرگری ل مافێن مرۆڤان فەرماندارێ پێشمەرگە عەمید سالح مەولوود گەردی وەکو بالیۆزێ ناڤدەولەتی یێ ئاشتیێ ل سەر ئاستا جیھانێ بۆ سالا 2021ێ دیارکر.

وەزارەتا پێشمەرگە ل سەر حەسابا خوە یا تۆرا مەدیایا جڤاکی یا فەیسبۆکێ راگھاند: “عەمید سالح مەولوود گەردی کو ئەفسەرێ ھەماھەنگیێ د ناڤبەرا وەزارەتا پێشمەرگە و سەرۆکایەتیا ھەرێما کوردستانێ و سەرۆکایەتیا ئەنجوومەنا وەزیرانە. ژ بەر ھەلوەستا خەباتگێری مالباتا عەمید سالح ژ ئالیێ رەژیما بەعس ڤە ھاتبوون زیندانی کرن. سالا 1962یێ د گرتیگەھا قشلەیا ھەولێرێ ژ دایک بوویە و بۆ دەما سالێن درێژە وەکو پێشمەرگە خزمەتێ ژ بۆ گەل و نیشتیمانێ خوە دکەت.”

ھەروھا ھاتیە راگھاندن، عەمید سالح، پشتی بەشداری د کۆنگرەیا ئاشتی و ناڤدەولەتییا سالا 2020ێ دا و داخوازا پێشکەشکرنا بابەتەکێ دەربارێ کۆمکوژیا نەتەوەیی و ئایینی د وێ کۆنگرەیە دا کری، دبیتە جھێ سەرنجا ئەندامێن سەرپەرشتیارێن کۆنگرەیێ پشترا وەکو بالیۆزێ ناڤدەولەتی یێ ئاشتیێ ل سەر ئاستا جیھانێ ژ بۆ سالا 2021ێ ھاتە دیارکرن. ئەڤ یەک دەستکەفتەکێ مەعنەوی و یاسایی یە ژ بۆ پێشمەرگەیێن کوردستانێ و کەسایەتیا ڤی  فەرماندارێ وەزارەتا پێشمەرگە.”