چاڤکانیەک لەشکەری یێ ئیسرائیلێ ئیرۆ رۆژا چارشەمی 13/1/2021ێ، د گەرمە گەرما ئامادەباشییا کو ئیسرائیلێ  ل دژی هەر لڤینەکە ب گومان ل سەر سینۆرێن خوە ئێن ل گەل لبنانێ ئەنجام ددەت، نەرینێن خوە د ڤێ دەربارێ دا ئاشکەرا کرن و راگهاند هێزێن ئیسرائیلێ د رەوشا ئامادەباشیێ دانە و ل بەندا هەر لڤینەکا حیزبوللاهێ نە ل سەر سینۆرێن خوە داکو بەرسڤا وان بدەت.

ڤێ چاڤکانیێ راگهاند: “هەر لڤینەک ژ لایێ حیزبوللاهێ ڤە دێ ب ئێریشەکا گشتی ل سەر هەموو بارەگەهێن وان یێن ل لبنانێ دا ب داوی هێت.”

تەکەز کر، “حیزبوللاهـ هێژان هەول ددەت ل بەرامبەر کوشتنا یەک ژ ئەندامێن خوە یێ کو د ئێریشێن ئیلۆنا رابووری دا ل سووریێ هاتبوو کوشتن، لەشکەرەکی مە دەستەسەر بکەت داکو ب ڤێ رێکێ پلانا خوە یا (بەرسڤ ژ لبنانێ ل شوونا ئێریشا ئیسرائیلێ ل سەر پێگەهێن وێ ل سووریێ) جێبەجێ بکەت.

ئێریشێن ئاسمانی ل سووریێ

ئەڤ چاڤکانیا لەشکری یا ئیسرائیلێ دەربارا ئێریشێن ئامانی یێن ل دژی میلیشیایێن سەر ب ئیرانێ ڤە د ناڤا سووریێ دا ژی دبێژیت: “ئیسرائیلێ ئێریشێن خوە یێن ئاسمانی ل سووریێ زێدە کرینە و دێ ئەڤ ئێریشە بەردەوام بن. هەژمارا ڤان ئیریشان د نها دا د دەما 10 رۆژان دا، 3 ئێریشن، لێ بەلێ پێش نها هەر سێ حەفتەیان یەک ئێریشا ئاسمانی بوو”.

ئیران بێ هێز بوویە

ڤێ چاڤکانیا لەشکری یا ئیسرائیلێ ئیحتیمالا توندبوونا پەڤچوونێن لەشکری ب بەرچاڤگرتنا ڤێ راستیێ کو تەهران پاش کوشتنا قاسم سولەیمانی، فەرماندارێ فەیلەقا قودسا سوپایێ پاسداران بێ هێز بوویە، ب دوور زانی.

تەڤی ڤێ یەکێ تەکەز کر ئیرانێ سالڤەگەرا تەرۆرێ دەرباسکر لێ بەلێ ژ ئاڤێتنا مۆشەک یان درۆنێن بۆمبەکری ژ ئیراقێ ژ بۆی بەرسڤدایینا ڤێ تەرۆرێ پووشمان نەبوویە.

وی گۆت کو “ناڤچەیا ئەل قائیم یا ئیراقێ، جیهێ مووشەکێن دوورهاڤێژە. هەر وها هندەک مووشەک ل یەمەنێ هەنە کو دبیت بگەهن باژێرێ ئیلاتێ کو ژ بەر ڤێ یەکێ، ل ڤێ داوییێ سیستەما پاتریۆیت ل وێ دەرێ هاتیە بجیهکرن.”