ئارته‌شا تركیێ ئیرۆ ئۆپه‌راسیۆنه‌ك ل دژی چه‌كدارێن رێخستنا په‌كه‌كێ ل شرنه‌خا باكورێ كوردستانێ ده‌ست پێ كر و هه‌ژماره‌كه ئالیگرێن رێخستنێ هاتن ده‌سته‌سه‌ر كرن.
ل گۆر ئاگاهیێن ده‌ستێ مه، ئیرۆ رۆژا پێنجشه‌مبی 14/1/2021ێ، هێزێن ئه‌وله‌كاریێ یێن تركیێ ل دۆربه‌را ئیدلا ناڤچه‌یا شرنه‌خێ یا باكورێ كوردستانێ، ئۆپه‌راسیۆن ل دژی چه‌كدارێن رێخستنا په‌كه‌كێ ده‌ست پێ كر.
د ئۆپەراسیۆنێ دا 4 شکبار ھاتن ده‌سته‌سه‌ر كرن، د لێگەرینا ناڤونیشانێن شکباران دا گەلەک ئاموورێن دیجیتال، 3 دەفتەرێن وەکی دۆکومانێن رێخستنێ ھاتن نرخاندن و تڤنگەکا نێچیرێ ھات گرتن.
ئارته‌شا تركیێ ژ ده‌ستپێكا ڤێ سالێ ڤه، ئۆپه‌راسیۆنا برووسك ل ناڤچه‌یێن باكورێ كوردستانێ ل دژی رێخستنا په‌كه‌كێ به‌رده‌وام كرییه و ل ده‌ما دوو حه‌فتیێن رابووری پێتری 20 ئالیگرێن په‌كه‌كێ ده‌سته‌سه‌ر كرنه.
