كۆمێن چه‌كدارێن گرێدای تركیێ، نێزی 10 كه‌سان ده‌سته‌سه‌ر كرن كو پێزانین و ئاگاهی ددان هێزێن سووریایا ده‌مۆكراتیك هه‌سه‌دێ.
نه‌رینگه‌ها سووری یا مافێن مرۆڤان ئه‌شكه‌ره كر، كۆمێن چه‌ته‌یێن گرێدای تركیێ ژ گرووپا حه‌مزه، 8 كه‌س ژ باژارۆكێ سه‌رێ كانیێ یێ رۆژئاڤا كوردستانێ ده‌سته‌سه‌ر كرن و توهمه‌تا پێوه‌ندی كرن و گهاندنا پێزانینان بۆ هه‌سه‌دێ دانه پال.
هه‌روه‌ها ده‌ست نیشان كر، هنه‌ك ژ وان كه‌سێن كو هاتنه ده‌سته‌سه‌ر كرن، د رێزێن كۆمێن چه‌كدارێن گرێدایی تركیێ ده‌نه و د به‌رێ ده د ناڤا رێزێن هێزێن سووریایا ده‌مۆكراتیك ده بوون.
ل گۆر نه‌رینگه‌ها سووری، ئه‌ڤ كه‌س ژ گوندێ مریكێس یێ گونده‌وارێ سه‌رێ كانیێ هاتنه ده‌سته‌سه‌ر كرن و چاره‌نڤیسا وان نه‌دیاره.
