نوونەرێ بەرێ یێ ئەمریکا بۆ کارووبارێن سووریێ جێمس جێفری گۆت کو کریزا سیستەما S400 دەربەیا ھەری مەزن ل پەیوەندیێن ترکیا و ئەمریکایێ دایە و دێ پەیوەندیێن ئەمریکا و ترکیێ د سەردەما سەرۆکاتیا جۆ بایدن دا ھێشتا خەرابتر ببن.
بالیۆزێ بەرێ یێ ئەمریکایێ ل ترکیا و نوونەرێ کارووبارێن سووریا جێمس جێفری دا خویاکرن، “لایەنێن بەرێ کو ل ئامەریکایێ پشتەڤانیا ترکیایێ دکرن، ژ بەر کرینا سیستەما S400 ئێدی ئالیێ خوە گوھارتنە.”
جێفری گۆتیە: “ئەو د دەما سەرۆکاتیا جۆ بایدن دا، ژ بۆ پەیوەندیێن ترکیا و ئەمریکایێ نە گەشبینە و د ئاستا ھەری خراب یا چل سالێن داوی دا نە.”
جێفری دایە زانین، “مژارا سیستەمێن S400 و فرۆکەیێن F-35 ژ بۆ ئەمریکایێ ژیانی نە و د دیرۆکا پەیوەندیێن ترکیا و ئەمریکایێ دا ژ ڤێ زێدەتر تشتەکێ زەرەر نەدایە پەیوەندیا لایەنا.”
