هێزێن ئه‌وله‌كاریێ سه‌ربازه‌ك ل واشنتۆن ده‌سته‌سه‌ر كر كو به‌رێ وه‌ك نیشانشكێن د رێزێن یه‌كینه‌یێن پاراستنا گه‌ل یه‌په‌گێ دا، شه‌ر كربوو.
پۆلیسێن فلۆریدا ل ل 16 ڤێ مه‌هێ، سه‌ربازێ به‌رێ یێ ئه‌مه‌ریكی دانیال بیكه‌ر كو ل سه‌ر ده‌مێ شه‌رێ ته‌رۆرا داعشێ وه‌ك نیشانشكێن د رێزێن یه‌په‌گێ دا ل رۆژئاڤایێ كوردستانێ شه‌ر كربوو، ده‌سته‌سه‌ر كر.
دانیال بیكه‌ر ب تاوانا هاندانا ئالیگرێن دۆنالد ترامپ سه‌رۆكێ ئه‌مه‌ریكا بۆ هێرشا سه‌ر باره‌گه‌هێ كۆنگرێسێ هاتییه ده‌سته‌سه‌ر كرن.
د ڤێ ده‌ربارێ دا وه‌زاره‌تا داد یا ئه‌مه‌ریكا داخویانی دا و دیار كر، دانیال بیكه‌ر سه‌ربازێ ئه‌مه‌ریكی ل سالا 2007ێ ژ ناڤ رێزێن سوپای هاتییه ده‌رێخستن، چونكه ئه‌و ژ ئه‌ركا خوه ل ئیراقێ ره‌ڤی بوو.
هه‌روه‌ها ده‌ست نیشان كر، ئه‌وی ل سالا 2017ێ په‌یوه‌ندی ب رێزێن یه‌په‌گێ كرییه و ل وێرێ ل سه‌ر چه‌كێ نیشانشكێن هاتییه مه‌شقدان.
وه‌زاره‌تا داد یا ئه‌مه‌ریكی گۆت: ل یه‌كشه‌مبییا رابووری، دانیال ل سۆسیال مه‌دیایێ بانگه‌شه بۆ خوه دكر كو ئه‌و وه‌ك نیشانشكێن د رێزێن یه‌په‌گێ دا شه‌رێ داعشێ و تركیێ كرییه و هه‌موه‌خت هاندانا ئالیگرێن ترامپ بۆ هێرشا سه‌ر باره‌گه‌ها كۆنگرێسێ كربوو.
