ھەژمارا چالاکڤانێن کو د رۆژێن دەرباسبوویی دا ل رۆژھه‌لاتێ کوردستانێ ھاتنە دەستەسەرکرن، گەھشتە 35 کەسان، ل گۆر رێخستنێن مافێن مرۆڤان یێن رۆژھه‌لاتێ کوردستانێ چ زانیاریەک دەربارێ چارەنڤیسا وان نینە.
رێخستنا هه‌نگاو یا مافێن مرۆڤان به‌لاڤ كرییه، دوهی رۆژا دوشەمبی 18/1/2021ێ وەلاتییەکی دی ب ناڤێ فەردین ئەدوایی كو خەلکێ گوندێ سلێنێ سەر ب باژارێ سەولاوا ل پارێزگەھا سنە، ژ ئالیێ ھێزێن ئیرانێ ڤە ھاته دەستەسەر کرن.
ل گۆر راپۆرتا ھەنگاوێ، ئەو وەلاتی ب جینایه‌تا ھەڤکارییا ل گەل یەک ژ پارتیێن رۆژھلاتێ کوردستان، ھاتیە دەستەسەر کرن.
ل گۆر وێ راپۆرتێ، ژ وان 35 کەسێن کو ھاتینە گرتن، تەنێ 3 کەس ھاتنە ئازاد کرن، ژ كه‌سێن گرتی 5 چالاکڤانێن ژن یێن رۆژھلاتێ کوردستانێ بوون، ئەو ھەموو چالاکڤان ل سەر چالاکیێن سڤیل و کولتووری ھاتینە دەستەسەرکرن.
ئەو چالاکڤان ل باژارێن مەھاباد، بانە، نەخەدە، مەریوان، رەبات، سەولاوا، بۆکان، سنە، تەھران و کەرەج دەستەسەرکری نە.
ژ رۆژا ھەشتێ ڤێ مەھێ ڤە پێلەکا دەستەسەرکرن و گرتنا چالاکڤان و خوه‌ندکارێن کورد ل باژارێن رۆژھلاتێ کوردستانێ و ئیرانێ دەست پێ کرییە.
