دوو ته‌قینێن مه‌زن ئیرۆ ل ناڤه‌ندا باژێرێ به‌غدا پایته‌ختا ئیراقێ چێبوون، نێزی 30 كه‌سان هاتنه كوشتن و بریندار كرن.
ئیرۆ رۆژا پێنجشه‌می 21/1/2021ێ، بۆمبه‌كه چاندی ل یێك ژ ناڤچه‌یێن پری قه‌ره‌بالغ یێن به‌غدایێ ته‌قیا و پشتی كو خه‌لك ل جیێ ته‌قینێ كۆمبوویی، كه‌سه‌كی ب كه‌مه‌را تی ئێن تی كری خوه ته‌قاند.
چاڤكانیێن ئه‌وله‌هیێ ئه‌شكه‌ره كرنه، ل گۆر ئامارێن ده‌ستپێكی 10 كه‌سان جانێ خوه ژ ده‌ست دا و نێزی 20 كه‌سێن دن بریندار كه‌تنه.
ته‌قین ل مه‌یدانا بن ناڤێ ته‌یه‌ران یا ناڤه‌ندا به‌غدایێ ل نێزی ناڤچه‌یا ناڤدار یا ب ناڤێ باب شه‌رقی چێبوویه، هێزێن ئه‌وله‌هیێ دۆربه‌را ناڤچه‌یێ گرتنه.
