باله‌فرێن جه‌نگێ یێن ده‌وله‌تا تركیێ ئیرۆ جاره‌كا دی هێرشی لڤ و ته‌ڤگه‌رێن چه‌كدارێن په‌كه‌كێ ل سنۆرێ پارێزگه‌ها دهۆكێ یا باشوورێ كوردستانێ كر، ئه‌ڤ ژی دبیته هێرشا دوویه‌مین د كێمتری 24 ده‌مژمێران دا.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا شه‌مبی 23/1/2021ێ، باله‌فرێن جه‌نگێ یێن ده‌وله‌تا تركیێ هێرشی چه‌كدارێن په‌كه‌كێ ل ئاقارێ گوندێ بێشیلێ یێ گرێدای ناڤچه‌یا كانی ماسێ ل ده‌ڤه‌را به‌رواری بالا كر.
ده‌ست نیشان كر، هێرش ل ده‌مژمێر 1:50 پاش نیڤرۆژێ پێكهاتییه وه‌ختا كو باله‌فران یه‌ك رۆكه‌ت ل ده‌ڤه‌را ب ناڤێ گه‌لیێ دێرا ل حه‌ره‌كه‌تا چه‌كدارێن په‌كه‌كێ دای.
ئه‌ڤ هێرش پاش هێرشا دوهـی رۆژا ئینی دهێت كو باله‌فران ل سنۆرێ ناڤچه‌یا چه‌مانكێ نوقته‌یه‌كا رێخستنا په‌كه‌كێ ل نێزیكی گوندێ گری ژ ناڤ بربوو.
رێخستنا په‌كه‌كێ چه‌ند پاشتره، حه‌ره‌كه‌تا چه‌كدارێن خوه دئێخیته ناڤا گوندێن باشوورێ كوردستانێ، ژ بۆ كو ئه‌ڤ گوند بهێنه ڤالا كرن و ببنه مه‌یدانا شه‌ری.
