پهیوهندیێن ب گومان یێن یهكێتییا نشتیمانییا كوردستانێ دگهل رێخستنا پهكهكێ، نهماینه تشتهكێ ڤهشارتی، ئێدی ههر كوردهك، ههر وهلاتپارێزهك باش دزانیت كانێ ئهڤ پهیوهندی خزمهتا كیژان ئالی دكهن، باش دزانن كو ئهڤ پهیوهندی تهنێ ژ بۆ دژاتییا حكوومهتا باشوور و لێدانا پێگهها كوردستانێ دهێنه خورت كرن.
شرۆڤه كرنا پهیوهندیێن ئێكهتیێ و پهكهكێ نهمژارا ڤێ نڤیسێ یه، ئهم دێ ل ڤێرێ باس ل بوویهرهكێ كهین كو ل داوییا سالا 2020ێ ل نێڤبهرا ڤان ههردوو شریكێن كو نها وهك جێمكان خوهیا دكهن، چێبوویه، بوویهر وههایه: ئێكهتی و پهكهكه كۆمبوون، بریارا هاته دان، خولهكا پهروهردهیا لهشكهری بۆ كادرێن ئێكهتیێ ل قهندیلی بهێته چێكرن، ئهڤ یهك چێبوو، لێ پهكهكه ژ ڤێ بریارێ لێڤهبوو و كادرێن ئێكهتیێ دهستهسهر كرن و نها ل قهندیلی ل ژێر لێكۆلینێ نه، ئهرێ ئهڤه چاوا چێبوو؟
چاڤكانیێن پێگهها داركا مازی ل باشوورێ كوردستانێ، هندهك ئاگاهیێن تایبهت ل دهربارا كۆمبوونا 8/12/2020ێ یا نێڤبهرا ئێكهتیێ و پهكهكێ ب دهست ئێخستنه و کانێ چ بریارهك د ڤێ كۆمبوونێ دا هاتییە دان.
ههوالگیرییا پهكهكێ سیخۆرێن ئێكهتیێ ل قهندیلی ئاشكرا كرن
ل گۆر ئاگاهیێن دهستێ مه، ل 8/12/2020ێ، ل بنارا قهندیلی پهكهكێ و ئێكهتیێ كۆمبوونهك ساز كر و بریار هاته دان كو خولهكا پهروهردهیا لهشكهری بۆ كادرێن ئێكهتیێ ل قهندیلی بهێته چێكرن، بۆ ڤێ مهبهستێ یهكهم گرۆپا كادرێن ئێكهتیێ كو پتری 20 كهسان بوون ل رۆژا 12/12/2020ێ بهر ب قهندیلی ب رێ كهفتن.
چاڤكانیێن مه ئاشكرا كرن، پاش دهرباسبوونا چهند رۆژهكان، ههوالگیرییا پهكهكێ 3 كادرێن ئێكهتیێ یێن كو تهڤلی ڤێ خولا لهشكهری بووی، ب جینایهتا سیخۆری كرنێ دهستهسهر كرن.
پشتره پهكهكێ خولا پهروهردێ ب داوی ئینا و كۆمبوونهكا ئاوارتە دگهل ئێكهتیێ چێكر، د وێ كۆمبوونێ دا ئێكهتیێ داخواز كر كادرێن وان بهێنه ئازاد كرن، لێ بهلێ پهكهكه رازی نابیت و ب ئێكهتیێ دبێژیت: كادرێن ههوه ل قهندیلی ل ژێر لێكۆلینێ نه دا كو بهێته زانین كانێ ئهو بۆ چ مهبهستهكێ هاتینه سیخۆریێ بكهن.
ئێكهتیێ چ گهف ل پهكهكێ كرینه ههگهر ئهڤ ئاگاهی بهێنه بهلاڤ كرن
پاش دهرباسبوونا چهند رۆژهكان ئێكهتیێ كۆمبوونهكا دی ل گهل رێخستنا پهكهكێ چێكر، لێ بهلێ ئهڤ ههولێن ئێكهتیێ بۆ ئازاد كرنا ڤان 3 كادرێن وێ بێ ئهنجام بوو، لهوما یهنهكێ ئێدی گهف ل پهكهكێ كرن و ژێره گۆت كو ههگهر ئهڤ ئاگاهی بهێنه بهلاڤ كرن، دێ تهڤ بارهگههێن پهكهكێ و رێخستنێن گرێدای وێ، ل سلێمانیێ، گهرمیان، راپهرین و ههلهبجه هێنه قهپات كرن.
بۆچی ئیران دخوازیت پهكهكێ و ئێكهتیێ پتر نێزیكی ههڤ بكهت؟
ژ بۆ كو راستییا پهیوهندیێن ئێكهتیێ و پهكهكێ باشتر بهێنه فام كرن، پێویسته ئهم بزانین كانێ ههولێن ئیرانێ یێن ل ههڤ نێزیك كرنا ڤان ههردوو پارتییان بۆ چ ئامانجهكێ نه، ئیرانێ میحوهرێ مقاوهمێ ل ناڤچهیێ ههیه، مهبهست پێ پهكهكه و حهشدا شهعبی یه ل دهڤهرا شهنگالێ، لێ بهلێ نها ڤهقهتیانهك ههیه و ئیران دخوازیت ڤێ ڤهقتیانێ ب رێیا خۆرت كرنا پهیوهندیێن ئێكهتیێ و پهكهكێ چارهسهر بكهت، واته ئارمانج ژێ بكارئینانا ئێكهتیێ یه ژ بۆ خورتكرنا میحوهرێ مقاوهمێ.
چاڤكانیێن پێگهها مه ئاشكرا كرن، ل دهستپێكێ ب تهعلیماتێن ئیرانێ خولهكا پهروهردهیی یا ههڤبش بۆ كادرێن ئێكهتیێ و پهكهكێ ب ههڤرا هات رێخستن، پشتره ئهڤ خولا پهروهردهیا لهشكری بۆ كادرێن ئێكهتیێ ل قهندیلی.
ئیران دخوازیت ژ ڤێ بهرهیهكێ ههڤبهش بۆ لێدانا پهدهكێ و پێگهها حكوومهتا باشوور ئاڤا بكهت، بهرهیهكێ وهها كو ههردهم ئاماده بیت و ل بهندا تهعلیماتان بیت ژ بۆ كو پیلانێن تههرانێ ل باشوورێ كوردستانێ ب جهـ بینیت.
ئێكهتیی ژ بۆ پهكهكێ ههسپهكێ رهسهنه، وهختێ بهرژهوهندی ب دوماهی دهێت، دبیته كهرێ باری!
دهمهكێ درێژه ئێكهتیێ پهیوهندی دگهل رێخستنا پهكهكێ دا ئاڤا كرینه، لێ بهلێ پهكهكه ههردهم ههول ددهت ژ ڤان پهیوهندییان سۆدێ وهربگریت و ئێكهتیێ د مهیدانا كوردستانی دا لاواز بكهت، ههر چهنده كو ههڤسهرۆكێن ئێكهتیێ ڤێ یهكێ باش فام ناكهن، لێ بهلێ راستی ئهڤهیه، دخوازی باوهر بكهی یان ژی نه، رێخستنا پهكهكێ گهلهك بچووك ل ئێكهتیێ دنێریت، ئێكهتی ژ بۆ پهكهكێ وهك ههسپهكێ رهسهنێ كوردی لێ هاتییه، وهختێ دخوازیت لێ سوار دبیت و وهختێ کو بهرژهوهندییا وێ ب داوی دهێت، ژێرا دبێژیت کەرێ باری.
تشتێ کو پەکەکێ و ئێكهتیێ دگەهینیتە هەڤ ب تەنێ ئەڤەیه، ژ ئالیەکێ دژاتی کرنا پەدەکێ و بارزانی و ژ ئالیەکێ دی ناڤەندا پیدانا ئەمران ژ بۆ ڤان دوو پارتییان کو ئەو ژی ئیرانە، ژ سالا 1996ێ هەتا ئیرۆ ژ بەر رێگریکرنێ ل هێزەکا سەربازی یا ئیرانێ ل گەلیێ عەلی بەگ ژ هێلا پێشمەرگەیێن پەدەکێ ڤه، ئیرانێ ژی وهك پەکەکێ سووند ب دوژمناتییا پەدەکێ و بارزانی خواری یە و ژ بۆ ڤێ یەکێ یەکەم جار ئێكهتی ئێخسته ژێر باندۆرا خوە د گاڤا دویەمین دا ژی پەکەکە.
