ھێزێن چەکدارێن گرێدایی ترکییێ، باژێرێ تل رەفعەتێ دان بەر تۆپێن ھاوانان. د ئێریشێ دا 3 سڤیلان ژیانا خوە ژ دەست دان و 6 سڤیل ژی بریندار بوونە.
ھێزێن چەکدارێن ترک (تسک) و کۆمێن چەکدارێن گرێدایی وێ، تل رەفعەت دا بەر تۆپێن ھاوانان. ل گۆری ئاگاھیێن دەستپێکی 3 سڤیلان ژیانا خوە ژ دەست دان و 6 سڤیل بریندار بوونە.
باژێرۆکێ تل رەفعەت دکەڤیتە 35 کم یا رۆژھلاتێ عەفرینێ و مەزنترین باژێرۆکێ دەڤەرا شەھبایێ یە و خوەدی جھەکی ستراتەژی د ناڤبەرا باژێرێ دیلۆک و حەلەبێ دایە، ژ شباتا 2016ێ ڤە کەتیە دەستێ یەکینەیێن پاراستنا گەل (یەپەگێ).
ھەروھا پشتی داگیرکرنا عەفرینێ ژ لایێ ئارتێشا ترکیێ و گرووپێن چەکدارێن سەر ب وێ ڤە، دۆرا 250 ھەزار کەس ژ عەفرینێ دەربەدەر بوون و ل تل رەفعەت و دەردۆرا وێ (ھەرێما شەھبایێ) ب جھ بوونە.
