رێخستنا په‌كه‌كێ د 48 ده‌مژمێرێن ده‌رباسبوویی دا، هه‌ری كێم 7 گه‌ریلایێن خوه ل هه‌رێمێن باشوورێ كوردستانێ ژ ده‌ست داینه، هه‌ر 7 گه‌ریلا ب هێرشێن ئاسمانی هاتنه هه‌ده‌ف كرن.
هات راگه‌هاندن كو د هێرشێن باله‌فرێن جه‌نگێ یێن ده‌وله‌تا تركیێ كو ژ 22 ڤێ مه‌هێ ڤه ل هه‌رێمێن گاره و خواكوركی یێن باشوورێ كوردستانێ هاتینه ئه‌نجام دان، هه‌ری كێم 7 گه‌ریلایێن په‌كه‌كێ هاتینه كوشتن.
د هێرشا گاره‌ی دا، باله‌فران لڤ و ته‌ڤگه‌رێن چه‌كدارێن په‌كه‌كێ هه‌ده‌ف كرن و د ئه‌نجامێ دا، 4 چه‌كدارێن په‌كه‌كێ هاتن كوشتن.
هه‌موه‌خت ل هه‌مان رۆژێ ل هه‌رێما خواكوركی، 3 چه‌كدارێن په‌كه‌كێ كه‌تینه به‌ر رۆكێتێن باله‌فران و ژیانا خوه ژ ده‌ست دانه.
مه‌دیایا هه‌په‌گێ چ ئاگاهی ل ده‌ربارا ژ ده‌ست دانا ڤان چه‌كدارێن خوه به‌لاڤ نه‌كرینه.
