ئیران: ئەم ئامادەینە ل گەل سعوودیێ دەست ب دانووستاندنێ بکەین

ئیران: ئەم ئامادەینە ل گەل سعوودیێ دەست ب دانووستاندنێ بکەین

بەردەڤکێ وەزارەتا دەرڤەیا ئیرانێ سەعید خەتیبزادە راگھاند کو ئیران ئامادەیە ل گەل عەرەبستانا سعوودیێ دانووستاندنان بدەتە دەستپێکرن.

خەتیبزادە ل سەر بانگا قەتەرێ یا دییالۆگێ بۆ وەلاتێن کەنداڤا بەسرایێ گۆت، ئەو ئامادە نە ژ بۆ چارەسەرکرنا پرسگرێکان ل گەل عەرەبستانا سعوودی دەست ب دانووستاندنێ بکەن.

بەردەڤکێ وەزارەتا دەرڤەیا ئیرانێ بال کشاند سەر کەشووھەوایا نەرما ڤێ داویێ د ناڤبەرا ھندەک وەلاتێن کەنداڤا عەرەبی دا و دیار کر، “ئەڤ گوھەرینێن پۆلیتیکایێ ھەگەر ب ئاوایەکی جدی د رۆژەڤا وان دا بن، عەرەبستانا سعوودی ژی رێیا چارەسەریێ و ھەڤکاریا ھەرێمێ بدەتە بەر خوە، دێ ئیران بیتە یەک وان وەلاتێن کو ڤێ یەکێ ب کەیفخوەشی پێشوازی بکەت.”

خەتیبزادە ھەروھا دایە زانین کو ئیرانێ ژ بۆ ئاشتیا ھەرێمێ ھەولدانا ئاشتیێ یا ھورمزێ پێشکەش کریە و دڤێت نێرینەکا ھەڤبەش بهێتە پێشخستن.

پوستێن ھەمان بەش