ئەنەکەسە گرتنا چالاکڤانەکێ ل قامشلۆ شەرمەزار دکەت و دبێژیت، ئەڤ کریارە وێ یەکێ دیار دکەت، کو پەیەدە رێگریان ل پێشیا ھەر لھەڤتێگەھشتنەکا کوردی دورست دکەت و دانووستاندنان ئارمانج دکەت.
ئەنەکەسێ دیار کر، گرتنا چالاکڤان فەنەر مەحموود وێ یەکێ دوپات دکەت، کو رێڤەبری و کەسێن برێڤە دبەن، نەشێن رێزێ ل نەرین و ئیرادەیا خەلکی بگرن و زمانێ گەف و ھێزێ ل دژی وان بکار تینن.
ئەمینداریا گشتی یا ئەنجوومەنا نشتیمانی یا کورد ل سووریێ ئەنەکەسێ د داخویانیەکێ دا راگھاند، دوھی ئێڤاری چەکدارێن سەر ب پەیەدێ ڤە چالاکڤانێ راگھاندنێ فەنەر مەحموود گرتیە و بەر ب جھەکی نەدیار ڤە بریە.
ئەنەکەسێ د داخویانیا خوە دا دیار کر، ئەڤ گرتن پشتی ھەلمەتەکا گرتن و رەڤاندنا ھەژمارەک خوەندەڤان و مالباتێن وان ل دربێسیێ ھات، و حەتا نھا ژی ھەر یەک ژ جیھاد عەلیکۆ و نیزامەدین عەلیکۆ گرتی نە.
ئەنەکەسێ دیار کر، گرتنا چالاکڤان فەنەر مەحموود تەکەزیێ ل وێ یەکێ دکەت، کو رێڤەبری و کەسێن برێڤە دبەن، نەشێن رێزێ ل نەرین و ئیرادەیا خەلکی بگرن و زمانێ گەف و ھێزێ ل دژی وان بکار تینن.
ئەمینداریا گشتی یا ئەنکسێ گرتنا وی چالاکڤانی و ھەروەھا یا مالباتێن خوەندەڤانێن دربێسیێ شەرمەزار کر و گۆت، ئەڤ کریار وێ یەکێ دیار دکەت، کو پەیەدێ رێگریان ل پێشیا ھەر لھەڤتێگەھشتنەکا کوردی دروست دکەت و دانووستاندنان ئارمانج دکەت. داخوازا ئازادکرنا ھەموو گرتیان دکەت و داخواز ژ سەرکردایەتیا ھەسەدێ ژی دکەت، سینۆرەکی ژ ڤان کریاران رە دانە و ب بەرپرسیاریا خوە رابیت.
