ئیسرائیل ل ولاتێ ئیماراتا عەرەبی بالیۆزخانەیا خوە ڤەدکەت. وەزەرەتا دەرڤەیا ئیسرائیل ئاشکەرا کر کو، وان نھا ژ بۆ دەمکێ ئۆفسەک ڤەکریە و دێ د دەمەکێ نێزیک دا چنە د ناڤا ئاڤاھیا خوە دا.
وەزارەتا دەرڤە یا ئیسرائیلێ هەر وەها ئاشکەرا کر دێ دپلۆماتێ خوەدان تەجرووبە “ئەتان نا ئەھ” وەکو سەرۆکێ ڤێ بالیۆزخانەیێ هێتە ئەرکدارکرن.
وەزرێ دەرڤەیێ ئیسرائیلێ گاب ئاشکەناز، د ڤێ دەربارێ دا دبێژیت: پەیوەندیێن مە ل گەل ئیماراتێن عەرەبی باشن و ب ڤەکرنا بالیۆزخانەیێ، دێ گەلەک بەرەڤ پێشتر چن. ولاتێ ئیماراتێ ژی خوە ئامادە دکەت کو ل تەل ئەبیب بالیۆزخانەیا خوە ڤەکەت.
بریارە کو نێزک ل مسرێ، ئوردنێ و بەحرەینێ ژی بالیۆزخانەیێن ئیسرائیل بێنە ڤەکرن. ئەڤ پەیوەندیێن د ناڤبەرا ڤان وەلاتێن عەرەبی و ئیسرائیلێ دا ب دەستپێشخەریا ترامپ ھاتنە چێکرن.
