ئارته‌شا تركیێ ئیرۆ ده‌ست ئاڤێت ئۆپه‌راسیۆنه‌كا به‌رفره‌هـ ل دژی رێخستنا په‌كه‌كێ و پتری 1600 عه‌سكه‌ران ل سنۆرێن مێردین و مووشێ یێن باكورێ كوردستانێ ئه‌ركدار كرن.
ل گۆر ئاگاهیێن ده‌ستێ مه، ئیرۆ رۆژا سێشه‌مبی 26/1/2021ێ، 1620 عه‌سكه‌ر، جه‌ندرمه و هێزێن ئه‌وله‌هیێ ل سنۆرێ هه‌ر یێك ژ پارێزگه‌هێن مووشێ و مێردینێ یێن باكورێ كوردستانێ، قۆناغێن 4 و 5 یێن ئۆپه‌راسیۆنا ب ناڤێ ئه‌رن ل دژی رێخستنا په‌كه‌كێ ده‌ست پێ كر.
ئه‌ڤ ئۆپه‌راسیۆن ئارته‌شا تركیێ ژ بۆ بیرئانینا زارۆیه‌كی ب ناڤێ ئه‌رن بولبول ل سه‌رێ ڤێ سالێ ده‌ست پێ كرییه كو ژ هێلا چه‌كدارێن په‌كه‌كێ ڤه هاتبوو كوشتن.
هێژا گۆتنێ یه، قۆناغا یه‌كه‌مین یا ڤێ ئۆپه‌راسیۆنێ ل پارێزگه‌ها ئاگری، قۆناغا دوویه‌مین ل ئامه‌دێ، قۆناغا سێیه‌مین دیسا ل ئاگریێ، چار ل مووشێ و قۆناغا پێنجه‌مین ژی ل مێردینێ هاتنه مه‌شاندن.
