ئیرۆ سالڤەگەرا رزگارکرنا کۆبانی یە

باژارێ کۆبانیێ رۆژئاڤایێ کوردستانێ کو ژ ئالیێ ته‌رۆریستێن داعشێ ڤە ھاتبوو داگیر کرن، پشتی 133 رۆژێن ب شەر و پەڤچوون، 26/1/2015ێ، ب هاریكارییا ھێزێن پێشمەرگەیێن باشوورێ کوردستانێ، ب تەمامی ھات رزگار کرن.

رۆژا 13ی ئیلۆنا 2014ێ داعشێ دەست ب هێرشێن خوە ل سەر باژارێ کۆبانی یێ ل رۆژئاڤایێ کوردستانێ کر، هێرشێن داعشێ، بوون سەدەما کاڤلکرنا باژار و ئاوارەبوون و دەربدەربوونا خەلکێ وی باژاری، ب فەرمانا سەرۆک بارزانی، ھێزا پێشمەرگە سینۆرێ ناڤدەولەتی یێ ئیراق، ترکیە و سووریێ دەرباس کر و گه‌ھشتن کۆبانی بۆ هاریكارییا شەرڤانان و کۆبانی نەکەت.

د 2 جۆتمەھێ دا، داعشێ 350 گوند و ئاڤاھیێن دەردۆرا کۆبانیێ، داگیر کرن.

ب ئه‌گه‌را وان هێرشان، 300 ھەزار کورد و خەلکێ دەڤەرێ ئاوارە و دەربدەر بوون، بەشەک ژ وان بەرێ خوە دان سینۆرێ ترکیێ، ل 2015ێ ھەژمارا ئاوارەیان، گه‌ھشت 400 ھەزار كه‌سان.

د رۆژا 31ی جۆتمەھا 2014ێ دا، یەکەم کاروانێ ھێزا پێشمەرگە یا کوردستانێ، سینۆرێن ناڤده‌وله‌تی یێ ئیراقێ و ترکیێ دەرباس کر و گه‌ھشت کۆبانی.

ب هاریكارییا ھێزا پێشمەرگە یا باشوورێ وه‌لات، ھەڤپەیمانییا ناڤدەولەتی دژی داعشێ و یەکینەیێن کوردی یێن کۆبانی، د رۆژا 26ێ کانوونا دوویەم یا 2015ێ، ئۆپەراسیۆنا رزگار کرنا کۆبانی دەستپێ کر و رۆژا پشتی وێ، تەڤاھیا باژارۆکێ کۆبانی ھات رزگار کرن.

د 2ی شوباتا 2015ێ، ب درێژاهییا 25 کیلۆمەتران، داعش ژ سینۆرێ باژارۆکێ کۆبانی ھات دوورخستن.