کۆنەفەرانسەکا ناڤدەولەتی ل سەر کۆمکوژیا ئێزدیان ل پارێزگەھا دوھۆکێ ب بەشداریا دەولەتا ئەلمانیا و مەغریب و جەزائیر و تونس و لیبیا و ئیراقێ و ترکیێ دێ هێتە ئەنجام دان. د کۆنفەرانسێ دا دێ 28 ڤەکۆلینێن زانستی ل سەر کۆمکوژیان هێنە پێشکێشکرن.
ل سەر ڤێ مژارێ رێڤەبەرێ ناڤەندا ڤەکۆلینێن کۆمکوژیێ در. سالم جاسم ژ بۆ باس نیوسێ ئاخڤت و گۆت 26/1/2021ێ بەرھەڤیێن کۆنفرانسا ناڤدەولەتی یا کۆمکوژیێ ل ژێر درووشما کۆمکوژی و سەربۆرێن ملەتان، پالدەر و رێیێن بنبرکرنا کۆمکوژیێ دەست پێ کر. ئەڤ کۆنفەرانسە سبەھێ رۆژا 27/1/2021ێ ل زانکۆیا دوھۆکێ دێ دەست پێ کەت. ئەو دەولەتێن بەشدار دێ ب رێیا ئۆنلاین ڤەکۆلینێن خوە ل سەر کۆمکوژیێ پێشکێش کەن و ڤەکۆلەرێن کورد و ئیراقی دێ بەشدار بن و ب رێیا سەمیناران دێ ڤەکۆلینێن خوە پێشکێش کەن. بوو دەمێ دوو رۆژان دێ کۆنفەرانس بەردەوام بیت د رۆژا دووماھیێ دا راسپاردە هێنە کۆمکرن.
ھەروھا در. سالم جاسم ئاشکەرا کر 28 ڤەکۆلەر ژ ھەرێما کوردستانێ و ئیراقێ و لیبیا و ترکیێ و توونس و جەزاییر و ئەلمانیا مەغرب دێ بەشدار بن و ب رێیا 8 پەنەلا دێ کۆنفەرانس هێتە برێڤەبورن. د کۆنفەرانسێ دا دێ چەند ڤەکۆلینەک ل سەر کۆمکوژیا ملەتێ کورد هێنە پێشکێشکرن، ناڤەندا ڤەکۆلینێن کۆمکوژیا زانینگەھا دوھۆکێ دگەل ناڤەندا زانکۆیا بەشیکچی یا دوھۆکێ ب ئەنجامدانا کۆنفەرانسێ رابوونە.
