د ناڤبەرا رێخستنا تەرۆریستی یا داعشێ و ھێزێن رەژیما سووریێ دا ل چۆلستانا سووریێ، شەر دژوار بوویە و د ئۆپەراسیۆنێن داوی یێن دژی داعشێ دا، ژ ھەر دو ئالیان 18 کەس ھاتنە کوشتن.
ل گۆری راگەھاندنا سۆھرێ د رووبرووبوونا چەکدارێن داعشێ و ھێزێن رەژیمێ دا، ل چۆلستانا دێرازۆرێ 5 لەشکەرێن سووری و 13 چەکدارێن داعشێ ھاتنە کوشتن.
ھات دیارکرن کو چەکدارێن داعشێ د ئەنجاما ئێریشێن ئاسمانی یێن بالافرێن رووسی دا ھاتنە کوشتن.
ھێژایی ببیرخستنێ یە، دۆھی ژی ھاتبوو راگھاندن کو داعشێ ئێریشی پاسەکا لەشکەرێن سووریێ کریە و ھەری کێم 3 لەشکەر ھاتبوونە کوشتن و 20 ژی بریندار بووبوون.
