كۆمێن چه‌كدارێن گرێدایێ تركیێ ل رۆژئاڤا كوردستانێ، كه‌چه‌كه كورد یا كه‌ڕ و لال ژ ناڤچه‌یا جندرێسێ یا هه‌رێما عه‌فرینێ ره‌ڤاندن.
ل باژارۆکێ جندرێسێ یێ ھەرێما عەفرینێ، چەکدارێن كو تركیه پشتگرییا وان دكه‌ت، كچه‌كا کورد ب ناڤێ خالیدە حسێن ته‌مه‌ن 30 سالی ره‌ڤاند، خالیده کو کەڕ و لالە، ل شەڤا 23 ل سەر 24 ڤێ مەھێ، ژ مالا بابێ وێ ژ گونده‌كێ باكورێ جندرێسێ هاتییه ره‌ڤاندن.
خالیدە حسێن، 30 سالی یە و ژ گوندێ یالانقۆزێ یە، ئەو خوەدان پێداویستیێن تایبەتە، ژ بەر کو کەڕ و لالە، تاخا کو ژێ ھاتییە رەڤاندن، د بن دەستێ میلیشیا ئەحرار ئەل شەرقییە دا یە.
چاڤكانیێن خوه‌جهی ئه‌شكه‌ره كره، كۆمێن چه‌كداران ده‌ست دانایه سه‌ر مالا بابێ ڤێ كچێ ژی، له‌وما ئه‌و نه‌چار ماینه ل جندرێسێ نیشته‌جێ ببن.
پشتی کو کۆمێن چەکدار دەست دانایه سەر ھەرێمێ، حسێن حەنان، بالێ خالیدە، ژ ئالیێ کۆمێن چەکدار ڤه ھاتبوو گرتن و پشتی چەند مەھان ھاتبوو ئازاد کرن.
