د ھەڤپەیڤینەکا رۆژنامەڤانی دا، وەزیرێ دەرڤەیێ ئیرانێ دیار کرییە، تشتێ کو ژ بۆ تەھرانێ گرنگە، ئیدارەیا نوو یا ئه‌مەریکایێ، سزایێن کو سەرۆکێ بەرێ دۆنالد ترامپ ب سەر ئیرانێ دا سەپاندبوون، بەتال بکەت.
وەزیرێ دەرڤە یێ ئیرانێ محەمەد جەواد زەریف ژ ئاژانسا نووچەیانا فەرمییا ئیرانێ را، دەربارێ دەست نیشان کرنا رۆبەرت مالەی وەک نوونەرێ ئیدارەیا نوو یا ئه‌مەریکایێ بۆ کاروبارێن ئیرانێ ئاخڤی و راگه‌ھاند: ژ بۆ تەھرانێ کەسایەتی گرنگ نینن، ژ به‌ركو مالەی بەشداری دانوستاندنێن رێکكەفتنا ئه‌تۆمی بوویە و ئەو ژی وەک ھەر ئەندامەکێ دی، ژ ئیدارەیا بایدنی یه، تشتێ گرنگ، بەتال کرنا ھەموو وان سزایێن کو د سەردەما ترامپ دا ب سەر کۆمارا ئیسلامییا ئیرانێ دا ھاتینە سەپاندن.
وەزیرێ دەرڤە یێ ئیرانێ دایە زانین، ئەگەر ئه‌مەریکا سزایان راکه‌ت و رێگری ل په‌ێوەندیێن ئابووری یێن ئیران و وەلاتێن دی نەکەت، وی دەمی تەھران دێ پابەندی رێکكەفتنا ئه‌تۆمی بیت.
