ل باژێرێ بۆکانێ یێ رۆژھەلاتێ کوردستانێ نڤیسکار و مامۆستایێ زمانێ کوردی مستەفا ئیلخانیزادە ھات گرتن.
مالپەرا مافێن مرۆڤان یا ھەنگاو راگھاندیە، دوھی ھێزێن ئەولەھیێ چوونە سەر ئۆفیس و مالا نڤیسکارێ کورد و مامۆستایێ زمانێ کوردی مستەفا ئیلخانیزادە و ئەو گرتن.
ل گۆری ئاگاھیان، ئەو مامۆستایێ زمانێ کوردی ب تۆھمەتا وێ یەکێ ھاتیە گرتن کو د ئۆفیسا خوە دا مەراسمەک بۆ ب بیرئانینا سالڤەگەرا دامەزراندنا کۆمارا کوردستانێ ل دار خستیە.
ل گۆری ئاگاھیان، ھێزێن ئەولەھیێ دەست دانایە سەر تەڤاھیا پەرتووک، تەلەفۆن و کامپیۆتەرا وی نڤیسکارێ کورد ژی. مستەفا ئیلخانیزادە خوەدانێ ناڤەندا کولتوری و ئەدەبی یا ب ناڤێ “ئەدەب”ە ل بۆکانێ.
